"თქვენ შეგიძლიათ ნახოთ ფოტოები პროტესტების, მაგრამ საქართველო განსაკუთრებით წარმატებულია. მაჩვენეთ ევროპაში ქვეყანა, რომელსაც 9,4%-იანი ზრდა აქვს", — ამის შესახებ სერბეთის პრეზიდენტმა, ალექსანდრ ვუჩიჩმა მიხეილ ყაველაშვილთან ერთად გამართულ ბრიფინგზე განაცხადა.

მისი თქმით, სერბეთში მალე დაიწყება საქართველოსთან თავისუფალი ვაჭრობის ხელშეკრულების გაფორმების სტრატეგიული განხილვა.

"ჩვენ განვიხილეთ კონკრეტული ფორმები როგორ მივცეთ ჩვენს თანამშრომლობას, ჩვენ მალე გვექნება შერეული კომიტეტის სხდომა და მალე დავიწყებთ სტრატეგიულ განხილვებს თავისუფალი ვაჭრობის ხელშეკრულების გაფორმებასთან დაკავშირებით სერბეთსა და საქართველოს შორის და ეს იქნება სასარგებლო ორივე ქვეყნისთვის. საქართველო ულამაზესი ქვეყანაა, მათთვის, ვინც ეს არ იცის, ის გადის შავ ზღვაზე, მას აქვს საზღვარი, რუსეთთან, თურქეთთან, აზერბაიჯანთან, სომხეთთან და მარტივად რომ ვთქვათ, საქართველო უმნიშვნელოვანესი ადგილია მსოფლიოში. ჩვენ ვიცით, რას ნიშნავს ურთიერთობები დიდ სახელმწიფოებთან, ჩვენც იმავეს განვიცდით და გვესმის საქართველოს პოზიციის. დარწმუნებული ვარ, რომ თავისუფალი ვაჭრობის ხელშეკრულება ძალაში შევა შემდეგ წელს, იმიტომ, რომ ღრმა დისკუსიები მიმდინარეობს. ჩვენ მივიჩნევთ, რომ ამ ხელშეკრულების შედეგად მივიღებთ უფრო იაფად პროდუქტებს საქართველოდან, ვიდრე სხვა ქვეყნებიდან და პირიქით, ეს არის ძალიან კარგი შესაძლებლობა ჩვენი ბიზნესისთვის, მეწარმეებისთვის, რომ ნახონ გასაღების ბაზარი საქართველოში. ასევე, განვიხილეთ თანამშრომლობის გაუმჯობესება სოფლის მეურნეობის სფეროში, ხელოვნურ ინტელექტში და დარწმუნებული ვარ, რომ დიდ პროგრესს მივაღწევთ მომავალში ამ სფეროებში. ჩვენ დამატებით ვაუმჯობესებთ ჩვენს ურთიერთობებს და შევძლებთ განვიხილოთ თანამშრომლობა სამხედრო სფეროში, სამხედრო მრეწველობის ობიექტებს შორის და დარწმუნებული ვარ, რომ ეს არის ძალიან კარგი ინფორმაცია ორივე ქვეყნის მოქალაქეებისთვის. ჩვენ ხშირ პოლიტიკურ კონსულტაციებს ვატარებთ, ერთმანეთს მხარს ვუჭერთ არა მხოლოდ გაეროს, არამედ სხვა ინსტიტუტების დონეზე და მსოფლიო მასშტაბით საქართველოს სხვადასხვა ორგანიზაციებში შეუძლია სერბეთის მხარდაჭერისა და ხმის იმედი ჰქონდეს და პირიქით, სერბეთს შეუძლია იმედი ჰქონდეს, რომ საქართველო მას მხარს დაუჭერს. ჩვენ სერბეთის მხრიდან გავაკეთებთ ყველაფერს, რომ ჩვენი ურთიერთობები კიდევ უფრო გაუმჯობესდეს და კიდევ უფრო გაღრმავდეს.

მე მინდა საჯაროდ მადლობა გადავუხადო ბატონ პრეზიდენტ ყაველაშვილს და პრემიერ-მინისტრს ირაკლი კობახიძეს. მათ ქვეყანას აქვს უზარმაზარი ზრდის მაჩვენებელი. თქვენ შეგიძლიათ ნახოთ ფოტოები დემონსტრაციების, პროტესტების, მაგრამ საქართველო განსაკუთრებით წარმატებულია. 9,4%-იანი ზრდა - მაჩვენეთ ევროპაში ქვეყანა, რომელსაც ასეთი ზრდა აქვს და მინდა მივულოცო საქართველოს, საქართველოს ხალხს და სახელმწიფოს ასეთი შედეგისთვის, თქვენ იქნებით როლური მოდელი მომავალი წლისთვის რეგიონში", — განაცხადა ვუჩიჩმა.