საქართველოში ძლიერი ქარია. საგანგებო სიტუაციების მართვის სამსახურის ინფორმაციით, სახანძრო-სამაშველო გამოძახების მოთხოვნით ჯამში 200-მდე ზარი განხორციელდა. მათ შორის, 123 თბილისში, ხოლო 75 სხვადასხვა რეგიონში.

უწყების განცხადებით, თბილისში, გამოძახების ყველაზე მეტი ფაქტი დაფიქსირდა დიდ დიღომში, დიღმის მასივში, საბურთალოზე, ისნისა და სამგორის რაიონში. მოქალაქეები ძირითადად შენობა-ნაგებობების დაზიანების, ხეების წაქცევის, ბილბორდებისა და ელექტრობოძების დაზიანების შესახებ ახორციელებდნენ ზარებს.

ამინდის გაუარესების გამო საგანგებო სიტუაციების მართვის სამსახურის ყველა დანაყოფი განსაკუთრებულ რეჟიმში მუშაობს. უწყების ინფორმაციით, ყველა იმ ქალაქსა და დასახლებულ პუნქტში, სადაც არსებობს მაღალი რისკი სრულად მობილიზებულია სახანძრო-სამაშველო ჯგუფები.

თბილისში, დიდ დიღომში, ხატაეთის ქუჩაზე, ქარმა შენობას სახურავი ახადა. სახანძრო-სამაშველო სამსახურმა აყრილი თუნუქის ფურცლები მოხსნა.

ფოტო: საგანგებო სიტუაციების მართვის სამსახური

თბილისში, დიდ დიღომში, ქარმა რესტორან "რიტორს" სახურავი გადახადა. დაზიანდა მაღალი ძაბვის კაბელი.

ფოტო: საგანგებო სიტუაციების მართვის სამსახური

ძლიერმა ქარმა თბილისში, გურამიშვილის გამზირზე ხე წააქცია და სავალი ნაწილი ჩახერგა. შემთხვევის შედეგად არავინ დაშავებულა.

ფოტო: საგანგებო სიტუაციების მართვის სამსახური


საჩხერეში, ქარმა სოფელ გორისის საჯარო სკოლას სახურავი ახადა. მაშველებმა საფრთხის შემცველი თუნუქის ფურცლები ჩამოხსნეს. შემთხვევის შედეგად არავინ დაშავებულა.

ფოტო: საგანგებო სიტუაციების მართვის სამსახური

სამტრედიაში, სოფელ ჭოგნარში, წაქცეულმა ხეებმა გზის სავალი ნაწილი ჩახერგა.

ფოტო: საგანგებო სიტუაციების მართვის სამსახური

თერჯოლაში, ოთხი ძმის ქუჩაზე, მე-2 საჯარო სკოლაში, ქარმა შენობასს სახურავი ახადა. ქარის შედეგად დაზიანებული, საფრთხის შემცველი თუნუქის ფურცლები მაშველებმა ჩამოხსნეს.

ფოტო: საგანგებო სიტუაციების მართვის სამსახური

ქ. ამბროლაურში, ვაჟა-ფშაველას ქუჩაზე ძლიერმა ქარმა სახლს სახურავი გადახადა. შემთხვევის შედეგად არავინ დაშავებულა.

ფოტო: საგანგებო სიტუაციების მართვის სამსახური

სტატია განახლდება

ამავე თემაზე: როგორ მოვიქცეთ ძლიერი ქარის დროს - რეკომენდაციები