ბათუმში მოქალაქე ლევან ხორავა მოსამართლე ალექსანდრე გოგუაძემ 20 დღით დააპატიმრა. ამის შესახებ ინფორმაციას გამოცემა ბათუმელები ავრცელებს. მათი ცნობით, მანდატურებმა ხორავას ხელბორკილი სასამართლო დარბაზშივე დაადეს.

ლევან ხორავა ბათუმის პროევროპული აქციების აქტიური მონაწილეა. მისი საქმე დღეს, 24 ივლისს მოსამართლე ალექსანდრე გოგუაძემ ბათუმის საქალაქო სასამართლოში განიხილა: შსს-ს ვერსიით, 27 მაისის სასამართლო სხდომის შემდეგ, როცა სტუდენტი ლუკა ნაცვლიშვილი მტკიცებულებების გარეშე 12 დღით დააპატიმრეს, ლევან ხორავამ შსს-ს წარმომადგენელს, თეა ლაღაძეს "ნაბო*არი" უწოდა.

ლევან ხორავას დაპატიმრებას შინაგან საქმეთა სამინისტრო ითხოვდა.