თურქეთის პრეზიდენტმა რეჯეფ თაიფ ერდოღანმა განაცხადა, რომ აშშ-ის პრეზიდენტ დონალდ ტრამპსა და რუსეთის პრეზიდენტ ვლადიმერ პუტინს შორის შეხვედრის ორგანიზება სურს. ამის შესახებ უკრაინული მედია Anadolu-ზე დაყრდნობით წერს.

ერდოღანმა რუსეთ-უკრაინის მოლაპარაკებებთან დაკავშირებით კომენტარი პრესკონფერენციაზე გააკეთა.

"ამ კვირაში ვეცდებით, ჩავატაროთ მოლაპარაკებები პუტინთან და ტრამპთან და ვნახოთ, შევძლებთ თუ არა მათ შეკრებას სტამბოლში," — თქვა თურქეთის პრეზიდენტმა.

უკრაინასა და რუსეთს შორის მოლაპარაკებების მესამე რაუნდი, რომელიც კონფლიქტის "მშვიდობიანი მოგვარებისკენ" იყო მიმართული სტამბოლში 23 ივლისს შედგა. პირველი რაუნდი 16 მაისს გაიმართა, მეორე — 2 ივნისს.

ასევე იხილეთ:

დღეს სტამბოლში მოსკოვსა და კიევს შორის მოლაპარაკებების მე-3 რაუნდი გაიმართება — ვინ უხელმძღვანელებს დელეგაციებს და რა მოლოდინებია?