ძლიერმა ქარმა სანზონაში, უნივერსიტეტის ეზოში ხე მოგლიჯა. შემთხვევის შედეგად არავინ დაშავებულა.

ამინდის გაუარესების გამო საგანგებო სიტუაციების მართვის სამსახურის ყველა დანაყოფი განსაკუთრებულ რეჟიმში მუშაობს. უწყების ინფორმაციით, ყველა იმ ქალაქსა და დასახლებულ პუნქტში, სადაც არსებობს მაღალი რისკი სრულად მობილიზებულია სახანძრო-სამაშველო ჯგუფები.

გარემოს ეროვნული სააგენტოს ინფორმაციით, დღეს, 9 მარტს საქართველოში ძლიერი ქარია მოსალოდნელი.

უწყება მოუწოდებს მოქალაქეებს, გამოიჩინონ სიფრთხილე და დაემორჩილონ შესაბამისი სამსახურების მითითებებს. საჭიროების შემთხვევაში კი დარეკონ 112-ზე და გამოიძახონ სამაშველო ჯგუფები.

ფოტო: საგანგებო სიტუაციების მართის სამსახური

ფოტო: საგანგებო სიტუაციების მართვის სამსახური