დღეს "ირაკლი ალასანია - თავისუფალმა დემოკრატებმა" თბილისის მაჟორიტარობის კანდიდატები წარადგინეს, სულ 19 პირი, აქედან 18 კაცი და მხოლოდ 1 ქალი:

  • მთაწმინდა #1 - კოკა ფრუიძე
  • ვაკე #2 - ვიქტორ დოლიძე,
  • ვაკე #3 - გიორგი ნუცუბიძე
  • საბურთალო #4 - ალექსი პეტრიაშვილი,
  • საბურთალო #5 - დავით ონოფრიშვილი,
  • საბურთალო #6 - შალვა შავგულიძე
  • კრწანისი #7 - დიმიტრი კორთხონჯია
  • ისანი #8 - თენგიზ ხეჩიკაშვილი,
  • ისანი #10 - გიორგი გოგილაშვილი
  • სამგორი #11 - ნონა თოდუა,
  • სამგორი #12 - ბესო ბერიძე
  • ჩუღურეთი #14 - დავით ამაშუკელი
  • დიდუბე #15 - ზურაბ აბაშიძე,
  • დიდუბე #16 - ლევან სამუშია
  • ნაძალადევი #17 - ლევან მელიქია,
  • ნაძალადევი #18 - ზეზვა ნაცვლიშვილი,
  • ნაძალადევი #19 - რამაზ გრიგალაშვილი,
  • გლდანი #21 - ამირან გიგუაშვილი,
  • გლდანი #22 - ვახტანგ მაჭავარიანი.

პარტია ამომრჩევლის წინაშე ახალი ლოგოტიპით წარდგა. თავისუფალი დემოკრატების მთავარი გზავნილია - "უკეთესი ეკონომიკა, უკეთესი ცხოვრება!".

თავისუფალი დემოკრატების წევრს, პარლამენტარ ნინო გოგუაძეს არაერთხელ უსაუბრია საჯაროდ ქალთა მონაწილეობის გაზრდაზე პოლიტიკაში. ბიოლის ფონდის ვებგევრდზე გამოქვეყნებულ ინტერვიუში ის ამბობს:

"კვოტირების თაობაზე არაერთი მამაკაცის ლაპარაკი მომისმენია და ახლა ვფიქრობ, რომ დიახ, უნდა დავუშვათ და შემოვიღოთ კვოტირება, რადგან ისეთი მამაკაცების მსჯელობაშიც კი, რომელთაგანაც ამას ვერც წარმოვიდგენდი, შემიმჩნევია, რომ მათ ჰგონიათ - მხოლოდ მამაკაცები უნდა იყვნენ პოლიტიკაში. რომ ეს მათი უპირატესობაა. ეს მე ბოლო დროს აღმოვაჩინე. მერე კი გადავხედე პარლამენტის შემადგენლობას და ვიფიქრე, უმრავლესობის ნახევარი ქალები რომ იყვნენ, რამე დააკლდებოდა პარლამენტს? და ჩემი პასუხი იყო - არა".

თავისუფალი დემოკრატების ლიდერმა ირაკლი ალასანიამ დღეს გამართულ ბრიფინგზე თქვა, რომ მათი პარტიული სიის წევრთა 30% ქალი იქნება.