პოლიოს გლობალური განადგურების ინიციატივის მონაცემებით, ნიგერია ერთ-ერთია, სადაც პოლიოვირუსის მძიმე ფორმები აქტიურ ფაზაშია.

გამოცემა Daily Kos-ის ინფორმაციით, პრობლემას ისიც ამძაფრებს, რომ არსებობენ რელიგიური ლიდერები, რომლებიც ვაქცინაციის გამოყენებას კრძალავენ და ამით დაავადებას უფრო მეტად გავრცელებისა და ზიანის მოტანის საშუალებას აძლევენ.

ჩრდილოეთ ნიგერია მეზობელ ქვეყნებთან ერთად (კამერუნი და ცენტრალური აფრიკის რესპუბლიკა) ვაქცინაციის არაერთ კამპანიას ახორციელებს, მოსახლეობის იმუნიტეტის გასაზრდელად და ვირუსის გავრცელების თავიდან ასარიდებლად.

2014 წელს, ნიგერიამ პოლიო ვირუსის წინააღმდეგ კამპანიის დასაფინანსებლად, იაპონიისგან დიდი ოდენობით სესხი აიღო. ბილ და მელინდა გეითსების ფონდმა კი განაცხადა, რომ იაპონიისგან მიღებულ სესხს, 76 მილიონ აშშ დოლარს, ნიგერიის სახელით გადაიხდის ვირუსის დასამარცხებლად.

აღნიშნული ძალისხმევის შედეგად, ნიგერია პოლიოვირუსისგან სრულად უნდა გათავისუფლდეს მიმდინარე წლის ბოლომდე. 2017 წელს დაავადების ახალი შემთხვევები არ გამოვლენილა მაშინ, როცა 2012 წელს მსოფლიოში პოლივირუსის შემთხვევების ნახევარზე მეტი ნიგერიაში ფიქსირდებოდა.

პოლიო ადამიანს მოძრაობის უნარს აკარგვინებს და გადამდებია ინფექციაა, რაც ასევე იწვევს ტვინის, ზურგის ტვინის დაზიანებასა და დამბლას. დაავადება განუკურნებელია, თუმცა ვაქცინაცია ჯანმრთელ ადამიანს დაინფიცირებისაგან დაიცავს.