აბრეშუმის გზის პირველი დადებითი ეფექტი: ჩინურმა კომპანიამ ძველი ქართული ქარხანა თავისუფალ ინდუსტრიულ ზონად აქცია. ამ სათაურით სტატიას Forbes აქვეყნებს.

"ერთ დროს აქ, ქუთაისში, იყო საბჭოთა კავშირის დროინდელი საავტომობილო ქარხანა. ეს ქალაქი თბილისიდან 230 კილომეტრითაა დაშორებული. ქარხანაში 15 ათას მუშაზე მეტი იყო დასაქმებული, 1988 წელს, მისი დახურვის შემდეგ, ეს ადამიანები უმუშევრები დარჩნენ და საქართველო კრიზისში ჩაეფლო.

ძველ საწარმოს დრო ნელ-ნელა ანადგურებდა, როცა აქ ჩინური კომპანია შემოვიდა.

საწარმოს ათწლეულების განმავლობაში მნიშვნელობა ჰქონდა დაკარგული, დრო მას ნელ-ნელა ანადგურებდა.

ამის შემდეგ აქ მოვიდა ჩინეთი".

2015 წლის ოქტომბერში, ძველ საბჭოთა საავტომობილო ქარხანამ ქუთაისის თავისუფალ ინდუსტრიულ ზონად გარდაქმნა დაიწყო. მომავალი 30 წლის განმავლობაში ადგილს Hualing Group გააკონტროლებს, რომელმაც ქარხნის განახლებისა და ხელშეწყობის ვალდებულება აიღო.

ამ მისიაში ჩინური კომპანია მომავალი 5 წლის განმავლობაში 30 მილიონი აშშ დოლარის ინვესტიციას განახორციელებს.

Hualing Group-ის მიერ შესყიდული ტერიტორია და თავისუფალი ინდუსტრიული ზონა ქუთაისში

ფოტო: Wade Shepard / Forbes

Hualing Group საქართველოში პირველად 2007 წელს შემოვიდა, როდესაც მისი დამფუძნებელი მი ენხუა ქვეყანას სამოგზაუროდ ეწვია. "მას ეს ადგილი შეუყვარდა" - წერს ფორბსის კორესპონდენტი ვეიდ შეპარდი.

ფორბსის ჟურნალისტი სტატიაში აქცენტს აკეთებს ყოფილი პრეზიდენტის, მიხეილ სააკაშვილის, სურვილზე, გადაქცეულიყო ქვეყნის შუაგულში მდებარე ქუთაისი თავისუფალ ინდუსტრიულ ზონად, რადგან ეს საქართველოს ეკონომიკას მნიშვნელოვნად წაადგებოდა.

"ჩვენ გვსურს გადავარჩინოთ ქუთაისი, ვაქციოთ ის ინდუსტრიულ ზონად და საქართველოს მეორე დედაქალაქად" - თქვა ექსპრეზიდენტმა 2009 წელს.