ოცნების პარლამენტის თავმჯდომარე, შალვა პაპუაშვილი ქართული ოცნების უკვე ყოფილი თავმჯდომარის, ირაკლი ღარიბაშვილის პოლიტიკიდან წასვლას გამოეხმაურა:

"თუ წასვლაა, როცა წარმატების პიკზე ხარ, მაშინ უნდა წახვიდე და არა მაშინ, როცა პარტიას უჭირს. რა თქმა უნდა, ჩვენ უკვე რიგით მეოთხე საპარლამენტო არჩევნები მოვიგეთ, ცხრა არჩევნები. წინ არის ადგილობრივი არჩევნები, რომელშიც ასევე უსახელოდ დამარცხდება ოპოზიცია და სახელოვნად გაიმარჯვებს ქართული ოცნება კვლავ. ასე რომ, ვფიქრობ, ზუსტად ის მომენტია, რომ თუ ადამიანს გადაწყვეტილი აქვს, რომ წავიდეს პოლიტიკიდან ასეთი გადაწყვეტილების მიღებისთვის არის დრო", — განაცხადა შალვა პაპუაშვილმა.

მისი თქმით, ირაკლი ღარიბაშვილი ამ შემთხვევაში როგორც "არაპოლიტიკოსი, მნიშვნელოვან როლს შეასრულებს საქართველოს შემდგომ განვითარებაში".

"ვფიქრობ, რომ ეს ის მომენტია, როდესაც მადლობა უნდა გადავუხადოთ მას იმ საქმიანობისთვის, რომელიც ქვეყნის წინაშე გასწია — დარწმუნებული ვარ, რომ ის, როგორც ამ შემთხვევაში, არაპოლიტიკოსი მნიშვნელოვან როლს შეასრულებს საქართველოს შემდგომ განვითარებაში", —– განაცხადა პაპუაშვილმა.