საქართველოს 2030 წლისთვის ევროკავშირში გაწევრიანების პოტენციური მზადყოფნის შესახებ განცხადებების საპასუხოდ, რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ ეჭვქვეშ დააყენა, რომ 2030 წლისთვის ევროკავშირი იარსებებს და აღნიშნა, რომ მთავარია, რომ 2030 წელსაც იყოს "სადმე გაწევრიანების ადგილი". ამის შესახებ რუსული მედია წერს.

მარია ზახაროვა სავარაუდოდ გულისხმობდა, ოცნების ლიდერების განცხადებებს და დაპირებებს, რომ საქართველო 2030 წლისთვის აუცილებლად გახდება ევროკავშირის წევრი.

ზახაროვას თქმით, პოლიტიკური უთანხმოებისა და დიპლომატიური ურთიერთობების არარსებობის მიუხედავად, არაერთხელ უსაუბრიათ საქართველოსთან და აშენებენ "ორმხრივ ურთიერთობებს ურთიერთპატივისცემით და ურთიერთსასარგებლო კუთხით".

"ჩვენ არაერთხელ გვისაუბრია ამის შესახებ საქართველოსთან - მიუხედავად არსებული პოლიტიკური უთანხმოებისა და დიპლომატიური ურთიერთობების არარსებობისა. თუმცა, ჩვენ ვაშენებთ ორმხრივ ურთიერთობებს ურთიერთპატივისცემით და ურთიერთსასარგებლო კუთხით", — თქვა ზახაროვამ.

დიპლომატმა გაიხსენა დიდი ბრიტანეთის გამოცდილებაც, რომელმაც ევროკავშირი "სრულიად გასაგები მიზეზების" გამო დატოვა.

"უბრალოდ გახსოვდეთ: ბრიტანეთი არაფერი კარგიდან არ გამოვიდოდა. სადაც არის რაიმე, რითაც შეიძლება მოგება, სადაც არის რეალური პოტენციალი, ბრიტანელები იქ პირველები იქნებიან. ახლა ისინი პირველები არიან, ვინც ევროკავშირი დატოვეს, — — აღნიშნა ზახაროვამ.

მისი თქმით, "ევროკავშირში კრიზისული მოვლენები იმდენად აშკარაა და მათი პოტენციალი იმდენად პროგნოზირებადი, რომ მათ, ვინც საკუთარ ეროვნულ ეკონომიკაზე ფიქრობს, იქ არაფერი აქვთ გასაკეთებელი", ამიტომ "ეს ყველას სუვერენული საქმეა". ხოლო მათ, ვინც ევროკავშირში გაწევრიანებას განიხილავს, "უნდა გაითვალისწინონ კონკრეტული ციფრები და არა მხოლოდ სლოგანები": "არასდროს იცი, რას წერენ, ასე ვთქვათ, ღობეებზე", — აღნიშნა რუსეთის საგარეო საქმეთა სამინისტროს ოფიციალურმა წარმომადგენელმა.