ირაკლი კობახიძე პარტია ქართული ოცნების თავმჯდომარის თანამდებობა დატოვა.

"მინდა გაგაცნოთ ჩემი პოლიტიკიდან წასვლის გადაწყვეტილება", — ამის შესახებ ირაკლი ღარიბაშვილმა გორგასლის ოფისში გამართულ ბრიფინგზე განაცხადა.

მისი თქმით, ის სავარაუდოდ კერძო სექტორში გაგრძელებას საქმიანობას და გამორიცხავს, რომ პოლიტიკაში დაბრუნდეს, როგორც ოპოზიცია.

ჟურნალისტის კითხვაზე — გამორიცხავთ, რომ ირაკლი ღარიბაშვილის პოლიტიკაში დაბრუნდეს, როგორც ოპოზიცია? — ღარიბაშვილმა ასეთ პასუხი გასცა:

"მსგავსია არაფერი განიხილება. ეს არის წმინდა წყლის სპეკულაციები, ცალკეული ადამიანების მიერ გავრცელებული დეზინფორმაცია, რომელსაც არაფერი აქვს საერთო სიმართლესთან", — განაცხადა ირაკლი ღარიბაშვილმა.

მისი თქმით, ის, რომ დღეს იმიტომ გადადგა, რომ ოპოზიციური პარტია შექმნას, სისულელე და ტყუილია.

"რაც შეეხება თქვენს კითხვას, არსებობს თუ არა ალბათობა იმისა, რომ პოლიტიკაში კიდევ დავბრუნდე, გამორიცხული არაფერი არ არის. ჩემი მთავარი მოტივაცია არის ის, რომ პოლიტიკიდან გავიდე, მეტი დრო დავუთმო ჩემს ოჯახს და დანარჩენს ცხოვრება გვიჩვენებს. რაც შეეხება მომავალ თავმჯდომარესთან დაკავშირებით, დაელოდეთ და გაიგებთ.

მე გითხარით, რომ მე პოლიტიკაში ახლა არ ვრჩები. მე ვრჩები ჩვენი ქვეყნის ერთგულ ჯარისკაცად. მე ვარ ბიძინა ივანიშვილის მხარდამჭერი და მე ვარ ბიძინა ივანიშვილის გუნდის ერთგული მხარდამჭერი, ჯარისკაცი. დღეს მე გადავწყვიტე რომ პოლიტიკიდან გავიდე, წინასწარ რა თქმა უნდა, მე არაფრის თქმა ახლა არ შემიძლია, მომიწევს თუ არა პოლიტიკაში დაბრუნება, შეიძლება აღარ მომიწიოს, შეიძლება მომიწიოს. წინასწარ ამაზე ნუ ვიმარჩიელებთ. დაველოდოთ, ცხოვრებას მივყვეთ! მე ყველას წარმატებას გისურვებთ.

თუ მეკითხებით იმას, რომ დღეს იმიტომ გადავდექი, რომ რაღაც ოპოზიციური პარტია შევქმნა, ეს არის სისულელე და ტყუილი. ძალიან გთხოვთ, ამ სისულელეებს ყურადღებას ნუ მიაქცევთ", — განაცხადა ღარიბაშვილმა.