9 მაისს, 12:00 საათზე "ექსპო ჯორჯიას" 11-ე პავილიონში "ევროპის დღე 2025" გაიმართება. ინფორმაციას და სპეციალურად ამ დღისთვის მიძღვნილ ვიდეორგოლს საქართველოში ევროკავშირის წარმომადგენლობა ავრცელებს.

საქართველოში ევროკავშირის წარმომადგენლობა "ვეფხისტყაოსნის" სტროფებს აცოცხლებს და 9 მაისს ევროპის დღეზე იწვევს საზოგადოებას

"ბოროტსა სძლია კეთილმან, არსება მისი გრძელია" — "ვეფხისტყაოსნის" ეს მარადიული სიტყვები დღესაც გვახსენებს ევროპისა და საქართველოს ისეთი საერთო ღირებულებების ძალას, როგორიცაა სამართლიანობა, გამძლეობა და იმედი", — ნათქვამია გავრცელებულ ინფორმაციაში.

საქართველოში ევროკავშირის წარმომადგენლობა წერს, რომ "30 წელია, რაც ევროკავშირი და საქართველო ერთად მუშაობენ უფრო წარმატებული, ინკლუზიური და მდგრადი მომავლის შესაქმნელად".

"30 წელია, რაც ევროკავშირი და საქართველო ერთად მუშაობენ უფრო წარმატებული, ინკლუზიური და მდგრადი მომავლის შესაქმნელად. ამ რთულ დროს, ევროკავშირი მტკიცედ დგას ქართველი ხალხის გვერდით — უზრუნველყოფს მათ ურყევ მხარდაჭერას, ხელს უწყობს რეგიონულ განვითარებას, აძლიერებს ახალგაზრდებს, ხელს უწყობს ინოვაციას და აძლიერებს დემოკრატიულ ღირებულებებს.

წელს, არა მხოლოდ სართო ისტორიასა და ღირებულებებს აღვნიშნავთ, არამედ იმ მნიშვნელოვან გავლენას, რასაც აღნიშნული პარტნიორობა ადამიანების ყოველდღიურ ცხოვრებაზე ახდენს — საქართველოს თითოეული რეგიონსა და თემში. შემოგვიერთდით და იხილეთ ამ პარტნიორობის შედეგები”, — ნათქვამია გავრცელებულ ინფორმაციაში.

დღის განმავლობაში, ექსპო ჯორჯიას მე-3, მე-6 და მე-11 პავილიონებში რამდენიმე ღონისძიება ჩატარდება:

ევროპის გუნდი — პავილიონი 6

შეხვდით ევროკავშირის წევრი სახელმწიფოების წარმომადგენლებს, აღმოაჩინეთ მათი კულტურა, გაეცანით ევროკავშირის სადამკვირვებლო მისიის საქმიანობას და გაიგეთ, როგორ უწყობს ხელს ევროპის საინვესტიციო ბანკი ქვეყნის განვითარებას.

EU პროექტების სივრცე — პავილიონი 11

შეაბიჯეთ ევროკავშირის მიერ დაფინანსებული ინიციატივების სამყაროში და ნახეთ როგორ უწყობენ ისინი ხელს ცხოვრების გაუმჯობესებას მთელი საქართველოს მასშტაბით, განათლებიდან მდგრად განვითარებამდე, დასაქმებიდან თანასწორობამდე.

EU საუბრები #ertad — პავილიონი 6

მოუსმინე გამორჩეულ მომხსენებლებს საქართველოდან და ევროპიდან, რომლებიც იმსჯელებენ ევროპული ღირებულებების პრაქტიკულ მნიშვნელობაზე და მათ როლზე საქართველოს მომავლის ჩამოყალიბებაში.

ფოტო გამოფენა — "10 წელი ფოკუსში" — პავილიონი 3

ვიზუალური მოგზაურობა ბოლო ათწლეულში საქართველოში მიმდინარე ცვლილებების შესახებ, რომელიც წარმოადგენს კონკურსში "ევროკავშირის პრიზი ჟურნალისტიკაში? გამარჯვებულ დოკუმენტურ ფოტოებს.

საგანმანათლებლო თამაში: წიგნების თარო — პავილიონი 3

შეუერთდით ახალგაზრდებს ინტერაქტიურ თამაშში და აღმოაჩინეთ ევროკავშირის ისტორია, ლიტერატურა და ღირებულებები საინტერესო და სახალისო გზით.