საქართველოს რკინიგზის ინფორმაციით, ოზურგეთი-თბილისის მიმართულებით მოძრავი მატარებლის ერთ-ერთ ვაგონში მოხდა დაკვამლიანება. მათი თქმით, მგზავრების ევაკუაცია დროულად განხორციელდა და ამ წუთებში საქართველოს რკინიგზა მგზავრების ალტერნატიული ტრანსპორტით გადაყვანაზე მუშაობს.

საქართველოს რკინიგზის მიერ გავრცელებულ განცხადებაში ნათქვამია, რომ მგზავრებს ბილეთის საფასური სრულად აუნაზღაურდებათ.

"გომი-აგარას გადასარბენზე, ოზურგეთი-თბილისის მიმართულებით მოძრავი მატარებლის ერთ-ერთ ვაგონში, მოხდა დაკვამლიანება. შემთხვევის შედეგად არავინ დაშავებულა, მგზავრების ევაკუაცია განხორციელდა დროულად და ამ წუთებში საქართველოს რკინიგზა მგზავრების ალტერნატიული ტრანსპორტით გადაყვანაზე მუშაობს, გზაშია დამატებითი მატარებელი. გამომწვევი მიზეზის დადგენის მიზნით მიმდინარეობს მოკვლევა. მგზავრებს ბილეთის საფასური სრულად აუნაზღაურდებათ", — ნათქვამია გავრცელებულ ინფორმაციაში.

ცოტა ხნის წინ გავრცელდა ვიდეო, სადაც ჩანს რომ სამგზავრო მატარებლიდან შავი ბოლი ამოდის. თვითმხილველები ვიდეოში ამბობენ, რომ "მატარებელმა ცეცხლი გაუშვა".