პრინცი ჰარი, მეგანი და მათი შვილები უახლოეს კვირებში დიდ ბრიტანეთში ბრუნდებიან.

სასექსის ჰერცოგისა და ჰერცოგინიას მოულოდნელი გადაწყვეტილებით მათი 6-წლიანი ემიგრაცია, რომელიც ბუკინგემის სასახლის შიდა დაპირისპირებებითა და სკანდალებით დაიწყო, დასრულდება.

ფოტო: NYT

2021 წელს — 1 წლის შემდეგ, რაც ჰარიმ და მეგანმა ოფიციალურ სამეფო მოვალეობებზე უარი თქვეს — პრინც ჰარის საპატიო სამხედრო წოდებები და სამეფო დაცვა ჩამოერთვა.

მრავალწლიანი უთანხმოება ატლანტის ოკეანის მიღმაც გაგრძელდა. ჰარი აცხადებდა, რომ ბუკინგემის სასახლე, რომელიც წყვილის დაცვით უზრუნველყოფაზე უარს ამბობდა, ოჯახს ბრიტანეთში დაბრუნებაში ხელს უშლიდა.

ჰარისა და მეგანის სტატუსი დიდ ბრიტანეთში დაბრუნებით არ შეიცვლება — ისინი კვლავ არასამეფო, კერძო პირებად დარჩებიან. წყვილის შვილები — 7 წლის პრინცი არჩი და 5 წლის პრინცესა ლილიბეტი — სწავლას ბრიტანულ სკოლაში დაიწყებენ. ჯერჯერობით უცნობია, სად იცხოვრებს ოჯახი, თუმცა, სავარაუდოდ, სამეფო რეზიდენციას არ დაუბრუნდებიან.

ფოტო: Vogue

წყვილის დაბრუნების განცხადებამ ჰარის ოჯახთან შერიგების იმედიც გააჩინა. აგვისტოში პრინცი ჰარი და მეგანი მეფე-დედოფალს პირადად შეხვდნენ, ბრიტანეთში დაბრუნების ამბავი კი მეფემ რამდენიმე დღის წინ შეიტყო. როგორც ამბობენ, ჩარლზი შვილთან და შვილიშვილებთან მეტი დროის გატარების შესაძლებლობით მოხარულია.