"ოცნების" პარლამენტის თავმჯდომარე შალვა პაპუაშვილი აცხადებას, რომ აშშ-ს პრეზიდენტის, დონალდ ტრამპის სარჩელი ამყარებს მათ პრეტენზიაც BBC-ის წინააღმდეგ. მისივე თქმით, მათი იურისტები მუშაობენ სარჩელზე და იგივე გზას მიმართავენ, ყველა სამართლებრივ მექანიზმს გამოიყენებენ, რომ ამხილონ BBC-ის ფალსიფიკაცია.

"წინასაარჩევნოდ იყო მომზადებული სიუჟეტი [BBC-ზე] იმისთვის, რომ დისკრედიტაცია მოეხდინათ დონალდ ტრამპის. ასე რომ, კიდევ ერთხელ დასტურდება, რომ ის ზღაპარი, სრასაც ჩვენ გვიყვებიან მედია სტანდარტი, რომელიც თითქოს არსებობს ზოგიერთ ქვეყანაში და რასაც ჩვენ პირიქით ვხედავთ, ბევრ მაგალითზე, რომ არის ერთი ხელით მართული პროპაგანდისტული მანქანა, რომელიც სხვადასხვა ქვეყანაში კონგლომერატიული გაერთიანებებით იმართება ეს კიდევ ერთხელ დასტურდება და ეს ამყარებს, მათ შორის, ჩვენს პრეტენზიაც BBC-ის წინააღმდეგ. თუ არ ვცდები, პრეზიდენტმა ტრამპმა განაცხადა, რომ 10 მლრდ-იანი სარჩელი შეაქვს BBC-ის წინააღმდეგ. იცით რომ ჩვენს ვმუშაობთ ამ სარჩელზე, იურისტები მუშაობენ ამ სარჩელთან დაკავშირებით და, რა თქმა უნდა, ჩვენც იგივე გზას მივმართავთ. იცით, რომ არის შესაძლებლობა მარეგულირებელ კომისიაში გასაჩივრების, ყველა სამართლებრივ მექანიზმს, იმისთვის, რომ ვამხილოთ BBC-ის ფალსიფიკაცია, ჩვენ გამოვიყენებთ.

დასტურდება ამ გარემოებებით, მათ შორის ტრამპის საქმეც ამის დასტურია, რომ ეს იყო ჰიბრიდული ოპერაცია საქართველოს წინააღმდეგ, რომელშიც პროპაგანდის იარაღად მონაწილეობდა BBC. იურისტები მუშაობენ, ვამზადებთ ამ სარჩელს, მიმართვას სჭირდება მომზადება, მათ შორის საჭირო იქნება ადგილობრივ დონეზე, ბრიტანეთში იქაური დახმარების გამოყენება, ვინაიდან წარმომადგენლობაც მნიშვნელოვანია, როგორც სამართლებრივად ვმუშაობთ ამ საქმეზე", — განაცხადა შალვა პაპუაშვილმა.