სექტემბერი თითქოს ყველასთვის რაღაც ახლის დასაწყისია. ახალი გამოცდილებების, შესაძლებლობების, გაბედული ნაბიჯებისა და, რაც მთავარია, ახალი ამბების, რომლებიც ახალ სასწავლო წელთან ერთად, განათლებით იქმნება.

თიბისის გუნდმა მრავალფეროვანი საგანმანათლებლო პროგრამები შექმნა და საქართველოს სხვადასხვა რეგიონიდან ის ახალგაზრდები გააერთიანა, რომლებსაც სურთ, განათლებით საკუთარი ამბავი პირველად ან სრულიად ახლებურად შექმნან.

თიბისი ტექსკოლა, ხელოვნური ინტელექტის საერთაშორისო ოლიმპიადის პროგრამა, IT აკადემია და თიბისი კამპუსი — თიბისის საგანმანათლებლო პროგრამების ის ჩამონათვალია, რომელიც ახალი თაობისთვის და არამარტო მათთვის, განათლების ხელმისაწვდომობას კიდევ უფრო ზრდის.

თიბისი ტექსკოლა

თიბისი ტექსკოლა შექმნილია სწორედ იმ 9-12 კლასის მოსწავლეებისთვის, რომლებიც ტექნოლოგიების მუდმივად ცვალებად სფეროს ცნობისმოყვარედ ადევნებენ თვალს. აქ დაგხვდებათ ციფრული სამყარო, სადაც დარგის წამყვანი პროფესიონალებისგან შეისწავლით ისეთ ინოვაციურ მიდგომებს, რომლებსაც მარტივად ვერ იპოვი გუგლის სისტემაში. ანუ, ისწავლით ყველაფერს, რაც ტექნოლოგიების ეკოსისტემაში დამოუკიდებელი ნაბიჯების გადადგმისას თავდაჯერებულობას შეგმატებთ. ტექსკოლის კურსებზე რეგისტრაციები სულ მალე დაიწყება, თვალი ადევნეთ თიბისის ვებგვერდს.

ხელოვნური ინტელექტის საერთაშორისო ოლიმპიადა (IOAI)

ციფრულ სამყაროში კიდევ უფრო ბევრ და მაღალ მწვერვალებთა დასაპყრობად, თიბისის მხარდაჭერით და GAIA-ს ორგანიზებით ხელოვნური ინტელექტის საოლიმპიადო კურსიც შეიქმნა, სადაც 7 თვის განმავლობაში ქვეყნის წამყვანი AI ინჟინრები ახალგაზრდებს ხელოვნური ინტელექტის სამყაროში გაუძღვებიან და საერთაშორისო ოლიმპიადისთვის მოამზადებენ. მას შემდეგ, რაც ხელოვნური ინტელექტის საერთაშორისო სასკოლო ოლიმპიადაზე (IOAI) პეკინში საქართველომ პირველივე ცდაზე გამარჯვება მოიპოვა, კიდევ ერთხელ ადასტურებს, რომ ეს მხოლოდ დასაწყისია იმ ამბის, რომელსაც განათლებით ქმნის თიბისი. ხელოვნური ინტელექტის საოლიმპიადო კურსი სწორედ ის შესაძლებლობაა, რომელიც სკოლის მოსწავლეებს დაეხმარება რეალიზაციაში, არა მხოლოდ საქართველოში, არამედ მის საზღვრებს გარეთაც.

IT აკადემია

თიბისიში სჯერათ, რომ ტექნოლოგიების სიყვარულს ასაკი არ აქვს და რომ მხოლოდ სკოლის მოსწავლეები არ არიან ისინი, ვინც ციფრულ სამყაროს დაუსრულებლად იკვლევენ. ამიტომ, თიბისიში 18 წელს ზემოთ ადამიანებისთვის IT აკადემია შექმნეს, რომელმაც 2019 წლიდან 1000-მდე მონაწილეს გაუკვალა გზა ტექნოლოგიების სამყაროში, მათგან 300-მდე კურსდამთავრებული კი თიბისისა და მის შვილობილ კომპანიებშია დასაქმებული. შესაძლოა, სრულიად სხვა სფეროში მუშაობდეთ ან ახლა იწყებდეთ კარიერული გზის ძიებას, მაგრამ თუ ციფრული სამყაროთი ინტერესდებით, IT აკადემია საუკეთესო დასაწყისია. პროფესიონალი მენტორების ხელმძღვანელობით იმუშავებთ რეალურ პროექტებზე და განათლებით შექმნით ისეთ ამბავს, რომელიც აქამდე წარმოუდგენელი გეგონათ.

თიბისი კამპუსი

თუ ტექნოლოგიების გარდა ბიზნეს მიმართულებებიც გაინტერესებთ, უნივერსიტეტისგან სრულიად განსხვავებულ სივრცეში — თიბისი კამპუსი გელოდებათ. აქ 18–24 წლის სტუდენტები, როგორც თეორიული, ისე პრაქტიკული სწავლებით დღეს ყველაზე მოთხოვნად დისციპლინებს დაეუფლებიან. ანუ, თუ გაინტერესებთ თანამედროვე ბიზნეს მიმართულებები, გსურთ ამ დარგის წარმატებული პროფესიონალების გაცნობა, მათი გამოცდილების გაზიარება და ინოვაციური პროექტების დამოუკიდებლად შექმნა, თიბისი კამპუსში ამისთვის საჭირო მხიარულ და საინტერესო გარემოს დაგახვედრებთ.

განათლების ხელმისაწვდომობის მიზნით თიბისის ყველა ჩამოთვლილ პროგრამასა და კურსს სრულად აფინანსებს, მონაწილეებისთვის სწავლა უფასოა.

თუ შენც გჯერა, რომ განათლება შეუძლებელს შეგაძლებინებს და სექტემბერი შენი ამ ამბის საუკეთესო დასაწყისია, არ გამოგრჩეს სასურველ პროგრამაზე რეგისტრაცია.