უკრაინულ მედიაში ვრცელდება ცნობა უკრაინელი მსახიობის — იური ფილიპენკოს ომში დაღუპვის შესახებ. განცხადებას მსახიობის მეუღლე — კატერინა მოტრიქი 15 ივნისს სოციალურ მედიაში აქვეყნებს.

ფელიპენკო ცნობილი იყო 2024 წლის სატელევიზიო სერიალიდან — A Promise to God. 2024 წლის აპრილში კი ის აქილევსის თავდასხმის დრონების ბატალიონს შეუერთდა, რომელიც მაშინ უკრაინის 92-ე თავდასხმის ბრიგადა იყო.

მას შემდეგ აქილევსი ცალკე პოლკად გარდაიქმნა და დრონების ხაზის ინიციატივის თანადამფუძნებელი დანაყოფი გახდა, რის შედეგადაც ქვეყანაში დრონების ერთ-ერთ ყველაზე ეფექტურ დანაყოფს წარმოადგენდა.

მსახიობის მეუღლე ინსტაგრამზე ფელიპენკოს ფოტოს აქვეყნებს და წერს:

იურა მოკლეს. იურა, გადაჭარბების გარეშე, ჩემი სამყარო, ჩემი სული და ჩემი სინათლე იყო. ამ დანაკარგის გადმოცემა შეუძლებელია. თავს განადგურებულად ვგრძნობ

"აქილევსის" თავდამსხმელი დრონების ბატალიონის ჯარისკაცები, მარჯვნივ — იური ფელიპენკო, ხარკოვის ოლქში, კუპიანსკის მახლობლად მდებარე სანგარში, 2024 წლის 8 დეკემბერს

ფოტო: Kyiv Independent

ფელიპენკოს დრონების გუნდი Kyiv Independent-ის რეპორტაჟში მოხვდა. რეპორტაჟი ეხებოდა 2024 წლის დეკემბერში რუსული ქვეითი ჯარის თავდასხმის წინააღმდეგ პირველადი ხედვის დრონების გამოყენებას, როცა უკრაინელები ხარკოვის ოლქში კუპიანსკის მიმდებარე ტერიტორიას იცავდნენ.

მოტრიქის თქმით, ფელიპენკოს დაკრძალვის შესახებ დეტალები მოგვიანებით გახდება ცნობილი.

უკრაინაში შეჭრის შემდგომ, რუსეთმა არაერთი მსახიობის, ხელოვანის და მწერლის სიცოცხლე შეიწირა. ბევრი მათგანი ბრძოლის ველზე დაეცა, სხვები კი მშვიდობიან მოსახლეობაზე თავდასხმის დროს დაიღუპნენ.