ამერიკის შეერთებულმა შტატებმა ავტორიტარულ ქვეყნებთან – ბელარუსთან და ჩრდილოეთ კორეასთან ერთად, მხარი არ დაუჭირა გაეროს რეზოლუციას, რომელიც უკრაინაში რუსეთის აგრესიას გმობს.

16 აპრილს გაეროს გენერალურმა ასამბლეამ მიიღო რეზოლუცია "თანამშრომლობა გაეროსა და რეგიონულ და სხვა ორგანიზაციებს შორის: თანამშრომლობა გაეროსა და ევროპის საბჭოს შორის". დოკუმენტს მხარი 105-მა ქვეყანამ დაუჭირა, 9 კი წინააღმდეგი იყო. 33 ქვეყანამ თავი შეიკავა.

გაეროს რეზოლუციის წინააღმდეგ მისცეს ხმა: რუსეთმა, ბელარუსმა, ჩრდილოეთ კორეამ, ერიტრეამ, მალიმ, ნიკარაგუამ, ნიგერიამ, სუდანმა. რეზოლუციის მხარდამჭერებს შორისაა საქართველო.

აშშ-მა მხარი არ დაუჭირა გაეროს რეზოლუციას, რომელიც გმობს რუსეთის აგრესიას უკრაინის წინააღმდეგ

აშშ-მა მხარი არ დაუჭირა გაეროს რეზოლუციას, რომელიც გმობს რუსეთის აგრესიას უკრაინის წინააღმდეგ

რეზოლუციაში რამდენჯერმეა ნახსენები რუსეთის აგრესია უკრაინის წინააღმდეგ. კერძოდ, პრეამბულაში ნათქვამია, რომ ევროპა უპრეცედენტო გამოწვევების წინაშე დგას "რუსეთის ფედერაციის მიერ უკრაინის წინააღმდეგ, მანამდე კი საქართველოს წინააღმდეგ განხორციელებული აგრესიის" შემდეგ და ნახსენებია უკრაინის წინააღმდეგ აგრესიის დანაშაულისთვის სპეციალური ტრიბუნალის შექმნის სამუშაოები.

რუსეთის დელეგაციის წარმომადგენლებმა განაცხადეს, რომ რეზოლუცია შეიცავდა "მიუღებელ პოლიტიზებულ ფორმულირებებს". შეერთებულმა შტატებმა აღნიშნა, რომ რეზოლუცია შეიცავს განცხადებებს, რომლებიც "არ უწყობს ხელს მშვიდობის მიღწევისკენ მიმავალ პროგრესს".

შეგახსენებთ, რომ მიმდინარე წლის თებერვალში შეერთებულმა შტატებმა, ბელორუსმა და რუსეთმა გაეროს რეზოლუციის წინააღმდეგ მისცეს ხმა "უკრაინაში ყოვლისმომცველი, სამართლიანი და მდგრადი მშვიდობის ხელშეწყობის შესახებ".

Reuters: აშშ გაეროში უკრაინის მხარდამჭერი რეზოლუციის თანასპონსორი არ იქნება

უშიშროების საბჭომ უკრაინის შესახებ აშშ-ს მიერ შემოთავაზებული რეზოლუცია მიიღო

გაერომ რუსეთის აგრესიასთან დაკავშირებით ევროპულ-უკრაინული რეზოლუცია მიიღო — საქართველომ კენჭისყრაში არ მონაწილეობდა