ტვ პირველის ცნობით, საქართველოში ევროკავშირის წარმომადგენლობა ადასტურებს, რომ 21 მაისს, თბილისის აეროპორტში ჩასვლისთანავე, ევროკავშირის წარმომადგენლობის ერთ-ერთ წევრს [სიმონ ვანდენბრუკს], ქვეყანაში შესვლის უფლება არ მისცეს.

"საქართველოში ევროკავშირის წარმომადგენლობა ადასტურებს, რომ 21 მაისს, თბილისის აეროპორტში ჩასვლისთანავე, ევროკავშირის წარმომადგენლობის ერთ-ერთ წევრს [სიმონ ვანდენბრუკს], ქვეყანაში შესვლის უფლება არ მისცეს. ევროკავშირის წარმომადგენლობის სათანადოდ აკრედიტებული წევრისთვის ქვეყანაში შესვლაზე უარის თქმა ეწინააღმდეგება დიპლომატიური ურთიერთობების შესახებ ვენის კონვენციას და სხვა შესაბამის ნორმებს, რომელთა დაცვა საქართველოსთვის სავალდებულოა. ამ საკითხთან დაკავშირებით საქართველოს საგარეო საქმეთა სამინისტროს ვერბალური ნოტა გაეგზავნა. საქართველოს ხელისუფლებამ ზეპირი ბოდიში მოიხადა სამწუხარო ინციდენტის გამო და დაადასტურა, რომ თანამშრომელს შეუძლია დაბრუნდეს თავის სამუშაო ადგილზე", — წერია წერილში, რომელსაც "ტვ პირველი" ავრცელებს

ფორმულას ცნობით, სიმონ ვანდენბრუკსი საქართველოში ცხოვრობს და ამჟამად ის ევროკავშირის საელჩოში გაფართოების საკითხებზე მუშაობს. მანამდე, ევროკავშირის სადამკვირვებლო მისიის თანამშრომელი იყო.