მიხეილ სარჯველაძემ, ჯანდაცვის მინისტრმა, აქციაზე დაშავებული 22 წლის ბიჭზე კომენტარი გააკეთა და განაცხადა, რომ საჭიროების შემთხვევაში მის უცხოეთში გადაყვანაზე სახელმწიფო აიღებს პასუხისმგებლობას.

ასევე იხილეთ: არსებული ინფორმაციით, აქციაზე დაშავებული 22 წლის ბიჭი მართვით სუნთქვაზე იმყოფება

"მინდა დავამშვიდო ყველა, თუ პაციენტის სამკურნალოდ, უცხოეთში გადაყვანის საჭიროება იქნება, სახელმწიფო, სრულად აიღებს პასუხისმგებლობას", — განაცხადა მან.

სარჯველაძეს თქმით, ამ ეტაპზე პაციენტის უცხოეთში გადაყვანა საჭირო არაა და "ქართული ჯანდაცვის სისტემა სათანადო სიმაღლეზეა", ამიტომ "არცერთ პაციენტს არავის დახმარება არ დასჭირდება".

"მე არ მგონია, რომ ეს პაციენტის მხარდაჭერის და დახმარების სურვილით ნაკარნახები იყოს, უფრო მეტად ცალკეულ ადამიანებს თავის გამოჩენის სურვილი აქვთ. კიდევ ერთხელ ვიმეორებ, რომ არავითარი საჭიროება, რასაც სახელმწიფო ვერ გასწვდება და ვერ შეძლებს, დღის წესრიგში არ დგას", — თქვა ჯანდაცვის მინისტრმა.

ცნობისთვის, 22 წლის ალექსი თირქია 3 დეკემბერს, გამთენიისას, დაშავდა. დაზიანება მან თავის არეში მიიღო. ამ მომენტისთვის იგი ინგოროყვას კლინიკაში რჩება და მედიკამენტური ძილის ქვეშ იმყოფება.