ცოტა რამ არის ცხოვრებაში ისეთი, რისი გადალახვაც კიბოს დამარცხებაზე რთულია. ამის მიუხედავად, ადამიანები ხანგრძლივი და მონდომებული ბრძოლით, ახერხებენ დაავადებასთან გამკლავებას. სწორედ ასეთი ადამიანების ფოტოები შეკრიბა Boredpanda-მ და გააკეთა კოლაჟი, რომელშიც ნაჩვენებია, როგორ გამოიყურებოდნენ ისინი დაავადებისას და მისი დამარცხების შემდეგ.

თითოეულ ამ ადამიანს კიბოს სხვადასხვა ფორმა ჰქონდა. ზოგიერთ მათგანს ეს უმძიმესი დაავადება ღრმა ბავშვობიდან მოჰყვებოდა, თუმცა მათ შეძლეს, ებრძოლათ გადარჩენისთვის და სიცოცხლისთვის. კარგი ექიმებისა და სწორი მკურნალობის წყალობით, ახლა თითოეული მათგანი გამოჯანმრთელებულია და ცხოვრებას აგრძელებს.

1. ამ პატარა გოგონამ ერთ წელიწადში მოახერხა კიბოს დამარცხება. დროულად დასმულმა დიაგნოზმა, საბედნიეროდ, გოგონას სიცოცხლე იხსნა

2. ეს გოგონა კიბოს დიდი ხანი ებრძოდა. ამ დროის განმავლობაში მან ოთხი ოპერაცია, 55 ქიმიოთერაპია და 28 რადიაციული დასხივება გამოიარა და საბოლოოდ, კიბო დაამარცხა

3. ამ ბიჭმა ერთწლიანი ბრძოლის შემდეგ კიბო დაამარცხა და თავს ბედნიერად გრძნობს

4. ამ გოგონამ, რომელსაც თავის დროზე კიბოს გამო ფეხის ამპუტაცია დასჭირდა, კიბო ათი წლის წინ დაამარცხა და ამის გამო თავს ძალიან იღბლიანად მიიჩნევს

5. 14 თვის წინ ამ გოგონას ეუბნებოდნენ, რომ სამი თვის სიცოცხლე ჰქონდა დარჩენილი. ერთი წლის შემდეგ კი, ის თავს სრულიად ჯანმრთელად და ბედნიერად გრძნობს

6. სამი წლის წინ, ამ მშვენიერ გოგონებს კიბო ჰქონდათ. სამი წლის შემდეგ კი, საბედნიეროდ, სამივე განიკურნა

7. 10 წლის წინ ამ ბიჭს გადარჩენის შანსი ფაქტობრივად აღარ ჰქონდა, თუმცა დიდი ძალისხმევის შედეგად გადარჩა

8. ფოტო გადაღებულია ერთსა და იმავე ადგილზე ორი წლის ინტერვალით. ამ ულამაზესმა გოგონამ შეძლო კიბოსთან გამკლავება და ახლა სრულიად ჯანმრთელია

9. პირველი ფოტო 2013 წელს არის გადაღებული, სადაც ეს ახალგაზრდა ბიჭი კიბოს ებრძვის. მეორე ფოტო კი რამდენიმე დღის წინანდელია

10. 2001 წელს გადაღებულ ფოტოზე ჩანს გოგონა, რომელიც კიბოს მტანჯველ ტკივილებსა და დაავადებას ებრძვის. მეორე ფოტო 2017 წელს არის გადაღებული, სადაც გოგონა სრულიად ჯანმრთელია

ამ ადამიანების ცხოვრება ნათელი მაგალითია იმისა, რომ ადამიანი არასოდეს უნდა დანებდეს ცხოვრებაში. ბრძოლას ყოველთვის აქვს აზრი, რაოდენ გამოუვალიც არ უნდა ჩანდეს სიტუაცია.