ნატოს გენერალურ მდივნად დანიშვნის შემდეგ, მარკ რუტე პირველი სამუშაო ვიზიტით კიევს ეწვია — რუტე უკრაინის პრეზიდენტს ვოლოდიმირ ზელენსკის შეხვდა.

"ერთ დღესაც უკრაინა შეუერთდება ჩრდილოატლანტიკური ხელშეკრულების ორგანიზაციას, და რუსეთს ამაზე ვეტოს უფლება არ აქვს" — განუცხადა რუტემ ჟურნალისტებს კიევში.

მარკ რუტე ნატოს გენერალური მდივნის საქმიანობას ოფიციალურად 1 ოქტომბერს შეუდგა დანიშვნის დღეს მან განაცხადა, რომ განაგრძობს მოკავშირეების დარწმუნებას უკრაინისა და მისი თავდაცვის შესაძლებლობების მხარდაჭერაში.

აშშ-ში მოახლოებული საპრეზიდენტო არჩევნებთან დაკავშირებით, ნატოს გენერალურმა მდივანმა განაცხადა, რომ "უკრაინის მხარდაჭერა გაგრძელდება მიუხედავად იმისა, თუ ვინ გაიმარჯვებს აშშ-ის არჩევნებში".