წელს არაერთი ახალი სერიალის პრემიერა ვიხილეთ, რომელმაც პირველივე სეზონით მიიქცია ჩვენი ყურადღება.

გამოკითხვაში, რომელიც ჩვენს ვებგვერდზე 28 დეკემბრამდე მიმდინარეობდა, ნებისმიერ მსურველს შეეძლო, თავისი ერთი ფავორიტი სერიალი მოენიშნა: სულ წარმოდგენილი იყო 12 სერიალი, რომლებიც ქართული აუდიტორიისთვის გასულ წელს მეტ-ნაკლებად ყველაზე აქტუალური იყო.

გამოკითხვაში მონაწილეობა დაახლოებით 500-მდე ადამიანმა მიიღო და 2024 წლის საუკეთესო სერიალის სამეული შემდეგნაირად გადანაწილდა:

მე-3 ადგილი — IT: Welcome to Derry (ხმების 10.65%)

IT: Welcome to Derry

ფოტო: HBO

IT-ის პრიქველი, რომელიც ქალაქ დერის წარსულს და იქ მომხდარ მოვლენებს ეხება. სერიალი ფოკუსირებულია ქალაქის ისტორიაზე, განმეორებად ტრაგედიებსა და იმ გარემოებებზე, რომლებმაც ბოროტების ჩამოყალიბება განაპირობა. ჟანრი — ჰორორი / დრამა.

მე-2 ადგილი — Pluribus (ხმების 15.25%)

Pluribus

ფოტო: Apple TV

ვინს გილიგანის ახალი სამეცნიერო ფანტასტიკის სერიალი, რომელმაც პირველივე ეპიზოდებიდან დიდი ინტერესი გამოიწვია. Pluribus აერთიანებს რეალისტურ დრამასა და sci-fi ელემენტებს და სერიალი გამოირჩევა ნელა განვითარებული, მაგრამ დაძაბული თხრობით და თემებით, რომლებიც ტექნოლოგიასა და ადამიანურ პასუხისმგებლობას ეხება

პირველი ადგილი — Adolescence (ხმების 38.74%)

Adolescence / მოზარდობა

Adolescence / მოზარდობა

ფოტო: Netflix

მძიმე და რეალისტური დრამა მოზარდობის, ძალადობისა და პასუხისმგებლობის შესახებ. სერიალი სრულად უწყვეტი კადრის პრინციპით არის გადაღებული, რაც მაყურებელს მოვლენებში უშუალო ჩართულობის განცდას უქმნის. Adolescence გვიყვება ერთი ოჯახის და საზოგადოების ისტორიას, სადაც ერთი დანაშაული ყველაფერს ცვლის. პროექტმა კრიტიკოსების მაღალი შეფასება დაიმსახურა და 2025 წლის 77-ე Primetime Emmy Awards-ზე 13 ნომინაციიდან 8 ჯილდო მიიღო.

ამავე გამოკითხვაში, ჩვენმა მკითხველმა აირჩია სხვადასხვა სერიალებიდან საუკეთესო სეზონი, რომელიც წელს გამოვიდა, და აქ კონკურენციის გარეშე გაიმარჯვა Stranger Things-ის მეხუთე სეზონმა, რომლითაც წელს სერიალი მთავრდება.

ასევე ნახეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…