"ევროკავშირის წევრი სახელმწიფოების ე.წ. კოალიცია, რომელიც უკრაინისთვის რუსეთის სუვერენული აქტივების ჩამორთმევას აპირებს, ამ დანაშაულის ჩადენის შემთხვევაში, გრძელვადიანი სამართლებრივი პასუხისმგებლობის წინაშე აღმოჩნდება. ამის შესახებ TASS-თან ინტერვიუში რუსეთის ფედერაციის საბჭოს საერთაშორისო საქმეთა კომიტეტის თავმჯდომარემ, გრიგორი კარასინმა განაცხადა.

"ე.წ. მსურველთა კოალიცია — მე მას "ყეფის კოალიციას" ვუწოდებ — ცდილობს, გზა გაუხსნას სწორედ ამ გადაწყვეტილებას [რუსული აქტივების უკრაინის სასარგებლოდ ჩამორთმევას]. არ მინდა დავიჯერო, რომ ისინი წარმატებას მიაღწევენ, რადგან ეს ძალიან კრიმინალური გეგმაა და მათ, ვინც მას განახორციელებს, ძალიან დიდხანს მოუწევთ სინდისის, კანონისა და საერთაშორისო ინსტიტუტების წინაშე პასუხისგება. …თუ ეს მოხდება, ეს კიდევ ერთხელ გამოავლენს იმ ადამიანების ნამდვილ სახეს, ვისთანაც ევროკავშირში გვაქვს ურთიერთობა", — მიაჩნია სენატორი.

კარასინის თქმით, ევროკავშირში "ყოველდღე ტელევიზიით ხედავენ ყბედები როგორ ყრიან ნაპერწკლებს და ამტკიცებენ, რომ "ეს არის ის, რაც უკრაინას ახლა სჭირდება" მისი "ეკონომიკური განვითარების, თავდაცვისუნარიანობის" და ა.შ. უზრუნველსაყოფად. სინამდვილეში, მათ მოსწყინდათ ფულის დახარჯვა კორუმპირებულ რეჟიმზე, რომელიც ამ ფულს იპარავს", — დასძინა კარასინმა.