არც ხელისუფლების შეწუხებას ვაპირებ და არც საპატრიარქოს შეწუხებას, ხელმოწერების შეგროვებას ვაპირებ ანდროს გამოშვებაზე და იმ ბიჭების, ვინც მართლა გამოსაშვებია და ანდროსნაირად იყვნენ იქ მისულები, — ამის შესახებ "ოცნების" პროპაგანდისტმა, უცნობმა გადაცემაში "უცნობის კიდობანი". შემდეგ მან ისიც თქვა, რომ "როგორც ზურა გირჩი ჯაფარიძე გამოუშვეს პანჩურით, ისე უნდა გამოუშვან ეგენი".

"არც ხელისუფლების შეწუხებას ვაპირებ და არც საპატრიარქოს შეწუხებას, ხელმოწერების შეგროვებას ვაპირებ ანდროს გამოშვებაზე და იმ ბიჭების, ვინც მართლა გამოსაშვებია და ანდროსნაირად იყვნენ იქ მისულები. და ერთი ვნახოთ თქვენგან, ვინ მოაწერთ ამას ხელს. გინდა ოჯახის წევრები და გინდა მეგობრები, ჩვენ ძალიან ბევრი მოვაწერთ, თქვენ მოაწერთ ამას ხელს? ძალიან საინტერესო პროცესი იქნება, რამდენად მოაწერთ ამათ გამოშვებას ხელს. ჟურნალისტებს მივმართავ, ნათია ბერიძე მიყვარს მაგრად, შემსრულებელია ასეთი რაღაცების, კიდევ არიან ბევრი კარგი ჟურნალისტები, ვთხოვ იმათ, რომ ხელმოწერები შევაგროვოთ ვინ რას ფიქრობს და როგორ უნდათ ამ ადამიანების გამოშვება,

[...] ისევე გამოვუშვებთ ბიჭებს, როგორც ზურა ჯაფარიძე გამოვიდა ტრაკში პანჩურით, ანდროს არ ეხება ეს. მეტის ღირსები თქვენ არ ხართ. თქვე უნამუსოებო. ერთ სიტყვა ვთქვი საახალწლოდ ბიჭები გამოუშვით მეთქი და რა ამბავი დამაწიეთ, რა ამბავი დამაწიეთ თქვე ბოროტებო, თქვენ.

[...] მინდა გითხრათ, რომ აუცილებლად გავაკეთებ ამას, რომ ხელმოწერების შეგროვება დავიწყოთ იმიტომ, რომ ამათი მთავარი ამბავი არის, რომ იყვნენ ციხეში და პოლიტიკური სპეკულაციები აკეთონ, პრესაში, მედიაში თუ აქ.

მე მზია ამაღლობელსაც დავარტყამდი პანჩურს და გამოვაგდებდი, ესე ვთქვათ, ვითომ მედიის კორიფეს, სახაროვის პრემია კი არა ჩვეულებრივი მოძალადეა, პოლიციელს დაარტყა სილა, რა სახაროვი, ყველამ იცის ეგ ამბავი ხო? და ყველამ ნახა, ვის რაში სჭირდება შენი მედია, მედიები გყავთ აგერ გრიგოლიები და ქვეყანა მედიები ვერაფერს ვერ აკეთებენ, მზია ამაღლობელს რა უნდა გაეკეთებინა, ვინ იცნობდა საერთოდ მზია ამაღლობელს, "სახაროვის პრემია", მაგრები ხართ...

როგორც ზურა გირჩი ჯაფარიძე გამოვუშვით პანჩურით, ისე უნდა გამოვუშვათ ეგენი, გეუბნებით მე თქვენ რა, არ ღირს მაგათთან არავითარი ლოლიავი, პოლიტიკური პროტესტების აშენება მაგათ ხარჯზე, ასე რომ დავიწყებთ ჩვენ ხელმოწერების შეგროვებას მათ გათავისუფლებაზე და მაინტერესებს ვინ მოაწერთ ხელს და ვინ არა, რომ დაგადგებიან პირდაპირ ჟურნალისტები კალმისტრებით.

ხო ხართ თან ბევრნი, ერთად ყველამ, რომ მოაწეროთ ჩვეულებრივ გამოვლენ და თუ თქვენ არ მოაწერთ, ჩვენ მოვაწერთ და მაინც გამოვლენ, ოღონდ პანჩურით," — თქვა "ოცნების" პროპაგანდისტმა, უცნობმა გადაცემაში "უცნობის კიდობანი".

უცნობმა პროევროპული აქციის მონაწილეების საპატიმროებიდან გათავისუფლების შესახებ რამდენიმე დღის წინ განაცხადა თავისივე გადაცემაში. მის მოწოდებას, თუ ინიციატივას სინდისის პატიმრები ციხიდან გამოეხმაურნენ და განაცხადეს, რომ ბოდიშის მოხდას და შეწყალების თხოვნას არ აპირებენ. ოცნების პრემიერმა ირაკლი კობახიძემ კი განაცხადა, რომ მათი გამოშვების არანაირი გეგმა არ აქვთ.