ოცნების პრემიერმინისტრის, ირაკლი კობახიძის განკარგულების საფუძველზე, "საქართველოს ენერგეტიკის განვითარების ფონდმა" უკრაინაში ჰუმანიტარული ტვირთი გაგზავნა. აღნიშნული ტვირთი 9 ერთეულ, სხვადასხვა ტიპისა და სიმძლავრის გენერატორს მოიცავს.

აღსანიშნავია, რომ სს "საქართველოს ენერგეტიკის განვითარების ფონდმა" გენერატორების შესყიდვისა და ტრანსპორტირების პროცესი მოკლე დროში (დათქმულ ვადებში) უზრუნველყო.

არსებული ინფორმაციით, ჰუმანიტარული ტვირთი უკრაინაში, ქალაქ კიევში საქართველოს საელჩოს გადაეცემა, შემდგომში უკრაინისთვის უსასყიდლოდ გადაცემის მიზნით. საქართველოდან გაგზავნილ ჰუმანიტარულ დახმარებას უკრაინა სახმელეთო გზით რამდენიმე დღეში მიიღებს.