ოცნების პრემიერმინისტრმა, ირაკლი კობახიძემ სახელმწიფო უსაფრთხოების სამსახურის ხელმძღვანელს, მამუკა მდინარაძეს 25 და 26 დეკემბერს ორი ახალი წოდება მიანიჭა.

25 დეკემბრით დათარიღებული განკარგულებით მამუკა მდინარაძეს სახელმწიფო უსაფრთხოების კაპიტნის წოდება მიენიჭა, 26 დეკემბრით დათარიღებული ბრძანებით — სახელმწიფო უსაფრთხოების მაიორის.

"სახელმწიფო სპეციალური წოდებების შესახებ" საქართველოს კანონის 56 მუხლის, მე-7 მუხლის 21 პუნქტისა და მე-8 მუხლის საფუძველზე, საქართველოს სახელმწიფო უსაფრთხოების სამსახურის უფროსს, სახელმწიფო უსაფრთხოების კაპიტანს, მამუკა მდინარაძეს, ვადამდე მიენიჭოს მორიგი უფროსი სპეციალური წოდება "სახელმწიფო უსაფრთხოების მაიორი" — წერია განკარგულებაში.

"სახელმწიფო სპეციალური წოდებების შესახებ" საქართველოს კანონის 56 მუხლის, მე-7 მუხლის 2¹ პუნქტისა და მე-8 მუხლის საფუძველზე, საქართველოს სახელმწიფო უსაფრთხოების სამსახურის უფროსს, სახელმწიფო უსაფრთხოების უფროს ლეიტენანტს, მამუკა მდინარაძეს, ვადამდე მიენიჭოს მორიგი საშუალო სპეციალური წოდება "სახელმწიფო უსაფრთხოების კაპიტანი", — წერია დოკუმენტში.

ცნობისათვის, მამუკა მდინარაძეს 3 სექტემბერსა და 23 ოქტომბერს მიენიჭა "ლეიტენანტისა" და "უფროსი ლეიტენანტის" წოდებები მიენიჭა.