ამე­რი­კე­ლი ას­ტრო­ნავ­ტე­ბი 5 ივ­ნისს სა­ერ­თა­შო­რი­სო კოს­მო­სურ სად­გურ­ზე სა­ტეს­ტო მი­სი­ა­ზე გაფ­რინ­დნენ, რო­მე­ლიც 8 დღე უნდა გაგ­რძე­ლე­ბუ­ლი­ყო, თუმ­ცა ყვე­ლა­ფე­რი გეგ­მის მი­ხედ­ვით არ წა­ვი­და: ამე­რი­კე­ლი ას­ტრო­ნავ­ტე­ბი ბუტჩ უილ­მო­რი და სუ­ნი­ტა უი­ლი­ამ­სი სა­ერ­თა­შო­რი­სო კოს­მო­სურ სად­გურ­ზე ივ­ნი­სის და­სა­წყის­ში Starliner-ის ხო­მალ­დით ჩაფ­რინ­დნენ, თუმ­ცა ხო­მალ­დის ძრა­ვე­ბის გა­უ­მარ­თა­ო­ბის გამო, კოს­მოს­ში 8 დღის ნაც­ვლად 2025 წლის თე­ბერ­ვლამ­დე დარჩებიან.

ასტრონავტებმა განაცხადეს, რომ ისინი ნოემბრის არჩევნებში მონაწილეობას კოსმოსიდან მიიღებენ.

"დღეს გამოვგზავნე ჩემი მოთხოვნა არჩევნებში მონაწილეობასთან დაკავშირებით. ძალიან მნიშვნელოვანი როლი გვაქვს, უპირველესად როგორც მოქალაქეებს და NASA ამ პროცესს გვიადვილებს" — განაცხადა ჟურნალისტებთან საუბრისას ბუტჩ უილმორმა.

ფოტო: Getty Images

"ეს არის ძალიან მნიშვნელოვანი მოვალეობა, რომელიც ჩვენ გვაქვს, როგორც მოქალაქეებს და მოუთმენლად ველით, რომ ხმის მიცემას კოსმოსიდან შევძლებთ, რაც საკმაოდ მაგარია" — აღნიშნა სუნიტა უილიამსმა.

ფოტო: Getty Image

ტეხასის შტატის საარჩევნო ოლქის თანამშრომლებმა, სადაც NASA-ს ჯონსონის კოსმოსური სადგური მდებარეობს, განაცხადეს, რომ ისინი NASA-სთან მუშაობენ, რათა ასტრონავტებს გაუგზავნონ PDF ფაილი, სადაც არჩევანის დაფიქსირება სასურველ ვარიანტზე დაწკაპუნებით შეეძლებათ. PDF პაროლითაა დაცული, რათა ფარული კენჭისყრა უზრუნველყოფილი იყოს.

ასტრონავტები კოსმოსიდან არჩევნებში მონაწილეობას 1997 წლიდან იღებენ, მას შემდეგ, რაც ტეხასის საკანონმდებლო ორგანომ მიიღო კანონპროექტი, რომელიც NASA-ს თანამშრომლებს ხმის მიცემის უფლებას კოსმოსიდანაც აძლევს. დევიდ ვულფი იყო პირველი ამერიკელი, რომელმაც 1997 წელს კოსმოსურ სადგურზე ყოფნისას არჩევნებში მონაწილეობა მიიღო და საკუთარი არჩევანი დააფიქსირა.