ჩვენი საყვარელი პარიზელის ისტორია ახალი ეპიზოდებით გრძელდება — სულ მალე Emily in Paris მეოთხე სეზონის მეორე ნაწილით დაბრუნდება.

პარიზში მიმდინარე ოლიმპიური თამაშების გამო, Netflix-ის სენსაციური სერიალის გადაღება მაისში დასრულდა, რადგან მაისიდან სექტემბრამდე საფრანგეთის დედაქალში გადაღებები აიკრძალა. Emily in Paris-ის მეოთხე სეზონი ორ ხუთსერიან ნაწილად გაიყო — პირველი ნაწილი მაყურებელმა 15 აგვისტოს იხილა, მეორე ნაწილი კი 12 სექტემბერს გამოვა.

ფოტო: Netflix

როგორც ცნობილია, ახალ ეპიზოდებში ქასთის ყველა წევრს ვიხილავთ. ემილი, ეშლი, გაბრიელი, კამილი და ალფი კვლავ საინტერესო პარიზულ თავგადასავლებში გაეხვევიან.

როგორც თრეილერიდან ჩანს, 12 სექტემბერს მსოფლიოს ყველაზე რომანტიკულ ქალაქში ემილის და სხვა პერსონაჟების დრამატული ურთიერთობების მომსწრეები გავხდებით.

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…