ოზურგეთის საკრებულოს თავმჯდომარის, დავით დარჩიას შვილი: არა რუსულ კანონს!
![](http://chandler.on.ge/2024/04/19/203180009_4397668313605398_7047845950590419966_n.jpg)
ფოტო: მარიამ დარჩია
მოკლედ: ოზურგეთის მუნიციპალიტეტის საკრებულოს თავმჯდომარის, დავით დარჩიას შვილი, მარიამ დარჩია, ფეისბუქზე აქვეყნებს ფოტოს წარწერით — არა რუსულ კანონს!
- "ევროპულ გამოცდილებას რუსეთის გუბერნიაში სამუშაოდ არ ვაგროვებ, ფარჩაკებო", — ვკითხულობთ პოსტერზე, რომელიც მარიამს ფოტოზე უჭირავს.
- როგორც დარჩიას ფოტოზეა მითითებული, ის ვენაშია გადაღებული, სავარაუდოდ, რუსული კანონის საწინააღმდეგო აქციაზე.
სტრიქონებს შორის: დავით დარჩია, ქართული ოცნების წევრი, ოზურგეთის მუნიციპალიტეტის საკრებულოს თავმჯდომარედ, 2023 წლის 21 ნოემბერს აირჩიეს.
კონტექსტი: რუსული კანონის საწინააღმდეგო პოსტი ქართული ოცნების დეპუტატის, გია ცაგარეიშვილის შვილმა, ირო ცაგარეიშვილმაც გამოაქვეყნა.
- "მედვედევს რაც მოსწონს, დუგინს რაც მოსწონს — ჩვენ ავტომატურად, უკითხავად, უსიტყვოდ არ მოგვწონს, 2x2", — წერს ირო ფეისბუქზე.
რუსული კანონის წინააღმდეგ პოზიცია დააფიქსირა დეა მელაძემ, რომელიც ქართული ოცნების დეპუტატის, გოჩა ენუქიძის მიერ შევსებულ ბოლო დეკლარაციაში (2023) მითითებულია, როგორც მისი ცოლი.
- მელაძის ფეისბუქსტატუსის მედიაში გამოქვეყნების შემდეგ თავად დაწერა, რომ ის და გოჩა ენუქიძე 10 წელზე მეტია, ცოლ-ქმარი არ არიან.
- დეა მელაძე ხალხს აქციებში მონაწილეობისკენ მოუწოდებს.
ასევე, ნახეთ: დეა მელაძე: არა რუსულ კანონს! გელით რუსთაველზე
რუსული კანონის ქრონოლოგია:
2024 წლის 3 აპრილი
- ოცნებამ განაცხადა, რომ ისევ აპირებს იმავე რუსული კანონის კანონის მიღებას, რამაც მასშტაბური სახალხო წინააღმდეგობა გამოიწვია გასული წლის მარტში.
8 აპრილი
- პარლამენტის ბიუროს სხდომაზე განხილვის შემდეგ, რუსული კანონი დარეგისტრირდა.
- პარლამენტში თქვეს, რომ კანონის განხილვას პარლამენტის იურიდიული კომიტეტი 15 აპრილს დაიწყებს.
- ამას წინ უძღოდა საპროტესტო აქცია პარლამენტის შენობის უკან.
- შესაბამისი ნებართვის მიუხედავად, პარლამენტში არ შეუშვეს დამოუკიდებელი მედიის ნაწილი.
- პრეზიდენტის საპარლამენტო წარმომადგენელმა განაცხადა, რომ სალომე ზურაბიშვილი ვეტოს დაადებს კანონს.
- გავრცელდა 400-ზე მეტი ორგანიზაციის განცხადება, მიმართვით — კი ევროპას, არა რუსულ კანონს!
- დამოუკიდებელმა მედიასაშუალებებმა ერთობლივად განვაცხადეთ, რომ ქართულ ოცნებას არ მივცემთ რუსული კანონის მიღების საშუალებას.
9 აპრილი
- თბილისში თავისუფლების მარში გაიმართა.
11 აპრილი
ცნობილი გახდა, რომ რუსული კანონი პლენარულ სხდომაზე მესამე მოსმენით, სავარაუდოდ, 17 მაისს გავა.
- პირველი მოსმენით პარლამენტმა კანონპროექტი 17 აპრილს მიიღო.
-
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
-
-
კომენტარები