მოკლედ: ქართული ოცნების დეპუტატის, გია ცაგარეიშვილის შვილი, ირო ცაგარეიშვილი ფეისბუქზე აზიარებს მედვედევის განცხადების ბმულს, სადაც რუსი მაღალჩინოსანი საქართველოს მიერ რუსული კანონის მიღებას იწონებს.

  • ცაგარეიშვილი აღნიშნავს, რომ არ შეიძლება, ქართველ ხალხს და მედვედევს ერთი და იგივე რამ მოსწონდეთ.

სტრიქონებს შორის: ირო ცაგარეიშვილი კომპანია აქსელის მმართველი დირექტორი და ბიზნესისა და ტექნოლოგიების უნივერსიტეტის მოწვეული ლექტორია.

დეტალები: "მედვედევს რაც მოსწონს, დუგინს რაც მოსწონს - ჩვენ ავტომატურად, უკითხავად, უსიტყვოდ არ მოგვწონს, 2x2.

  • ოდესმე ხომ მოკვდებით. და თქვენს სიკვდილსაც ხომ ვიზეიმებთ. და ოდესმე ხომ დაინგრევა თქვენი იმპერია, ჩვენს დროს თუ ჩვენი შვილების დროს, არ აქვს მნიშვნელობა. და ხომ გავთავისუფლდებით თქვენგან, თქვენი გავლენებისგან, თქვენი მოწონებული საქციელებისგან.
    მაგ დღეზე ოცნებით იმდენი ადამიანი ვცხოვრობთ, რომ ახდება", — წერს ირო ცაგარეიშვილი.

ამ თემაზე: მედვედევი კანონპროექტს იწონებს და ამბობს, რომ აქციების უკან არის "ჰოლივუდის ხელი"

გიორგი ცაგარეიშვილი საქართველოს X მოწვევის პარლამენტის წევრია.

  • საკანონმდებლო ორგანოში ის ქართული ოცნების პარტიული სიით შევიდა.
  • ის იყო მეექვსე, მეშვიდე და მერვე მოწვევის პარლამენტშიც.