კრის როკმა აღიარა, რომ ისურვებდა, ოსკარის სკანდალური ინციდენტი საერთოდ არ მომხდარიყო.

როკმა Variety-სთან იმის შესახებ ისაუბრა, თუ როგორ გრძნობდა თავს 2022 წლის დაჯილდოების ცერემონიაზე მომხდარი ფაქტის შემდეგ, როდესაც უილ სმიტმა მას სახეში გაარტყა. კომიკოსმა ჟურნალისტს ასე უპასუხა: "ვისურვებდი, არაფერი მომხდარიყო".

ინციდენტის შემდეგ როკი ოსკარის ცერემონიაზე აღარ დაბრუნებულა. მან გამოცემასთან საუბრისას აღნიშნა, რომ ღონისძიებაზე დაბრუნებას არც აპირებს, თუ თავად არ იქნება ნომინირებული.

ფოტო: Vanity Fair

"მე ნომინაციას არავინ მომცემს. ოსკარებზე მხოლოდ იმ შემთხვევაში დავბრუნდები, თუ ნომინაციას მივიღებ, მაგრამ ასე არ მოხდება. არა უშავს, როცა დრო მოვა, მერე მივხედავთ ამ საკითხს. მოლოდინებს ნუ გადავაჭარბებთ", — აღნიშნა მსახიობმა.

შეგახსენებთ, რომ 2022 წლის ცერემონიაზე, როდესაც როკს საუკეთესო დოკუმენტური ფილმის ნომინანტები უნდა გამოეცხადებინა, მან ჯადა სმიტის გადაპარსულ თმაზე იხუმრა, რის შემდეგაც უილ სმიტი დაჯილდოების სცენაზე ავიდა და კრის როკს სახეში გაარტყა.

ასევე იხილეთ: