14 სექტემბრის ღამეს, უკრაინის შეიარაღებული ძალები კრასნოდარის მხარეს დრონებით დაესხნენ თავს. ოპერატიული შტაბის ტელეგრამის არხის ცნობით, სოჭში, ჩამოვარდნილი ნამსხვრევების გამო ხუთი ადამიანი, მათ შორის ერთი ბავშვი დაშავდა. ერთი ზრდასრული პირი ჰოსპიტალიზებულია, ხოლო დანარჩენებმა ამბულატორიული მკურნალობა მიიღეს. ინფორმაციას Deutsche Welle ავრცელებს.

როგორც საგანგებო შტაბში აცხადებენ, დაზიანდა სამი კერძო საცხოვრებელი სახლი. შტაბის ინფორმაციით, დრონის ფრაგმენტები ასევე ჩამოვარდა რამდენიმე ადგილას, მათ შორის არასაცხოვრებელი შენობის მიმდებარედ, გვირაბთან და კერძო სახლის ეზოში.

სოჭის მერის, ანდრეი პროშუნინის განცხადებით, ხანძრები სწრაფად ჩააქრეს და მსხვერპლი არ არის. ზოგადად, ინფრასტრუქტურა არ დაზიანებულა.