მოკლედ: 83 ხმით 0-ის წინააღმდეგ, ქართულმა ოცნებამ რუსული კანონი პირველი მოსმენით მიიღო.

  • კენჭისყრა რამდენიმე წუთის წინ გაიმართა.

გაიგე მეტი: დეპუტატების სია — ვინ მიიღო საქართველოში რუსული კანონი

დეტალები: კანონის განხილვამ ხმაურით ჩაიარა. პარლამენტის პლენარულ სხდომაზე ფრაქცია ქართული ოცნების დეპუტატის ანრი ოხანაშვილის გამოსვლისას, ოპოზიციონერი ქალი დეპუტატები პროტესტს მაგიდაზე ხელებისა და წიგნის დაბრახუნებით გამოხატავდნენ.

  • სხდომა დროებით შეწყდა და ტექნიკური შესვენება გამოცხადდა.
  • შალვა პაპუაშვილმა ლევან ხაბეიშვილსა და გიორგი ვაშაძეს სხდომათა დარბაზი დაატოვებინა.
  • ასევე, სასესიო დარბაზიდან გააძევა თინა ბოკუჩავა და დეპუტატი ანა ნაცვლიშვილიც.

პროცედურულად: ზოგადად, კანონპროექტის მისაღებად საჭიროა დეპუტატების სამი მოსმენით მხარდაჭერა პლენარულ სხდომაზე.

  • რუსული კანონის საბოლოო, მესამე მოსმენით მხარდაჭერის თარიღად 17 მაისია განსაზღვრული.
  • კანონი, მიღების შემთხვევაში, პრეზიდენტს გადაეგზავნება.
  • პრეზიდენტის საპარლამენტო მდივანმა თქვა, რომ სალომე ზურაბიშვილი კანონს ვეტოს დაადებს.
  • თუმცა, ამის შემდეგ, საპარლამენტო უმრავლესობა ვეტოს დაძლევას შეეცდება, მას დასაძლევად საკმარისი მანდატი აქვს.