ე.წ მესაზღვრეებმა ოკუპირებულ სოფელ ორჭოსნიდან სამხრეთის მიმართულებით, სოფელ ყარაფილასთან ე.წ. ხანძარსაწინააღმდეგო ხნული გაავლეს. აღნიშნული ინფორმაცია On.ge-ის სახელმწიფო უსაფრთხოების სამსახურში დაუდასტურეს.

უწყების შეფასებით, აღნიშნული ქმედება არის ე.წ. ბორდერიზაციის უკანონო პროცესის გაგრძელება, რომელიც ზღუდავს ადამიანის ფუნდამენტურ უფლებებს და მიზანმიმართულად აზიანებს ადგილზე უსაფრთხოების გარემოს. სუსის ცნობით, აღნიშნული საკითხი დადგება ერგნეთის IPRM-ის მომავალ შეხვედრაზე.