რა ხდება: შს მინისტრი პარლამენტის წინაშე მინისტრის საათის ფორმატში წარდგა.

  • გომელაურმა გასული წლის ანგარიშის წარდგენისას თქვა, რომ რეგისტრირებული დანაშაულის გახსნის მაჩვენებელი 64%-ს აღემატება.

დეტალები: "ასევე, გრძელდება დანაშაულის კლების ტენდენციაც. შემცირებულია ისეთი მნიშვნელოვანი დანაშაულების ფაქტები, როგორიც არის მკვლელობები და მკვლელობის მცდელობები, ასევე, ჯანმრთელობის მძიმე დაზიანებები“, — თქვა შს მინისტრმა.

  • გომელაურის თქმით, გასულ წელს, 2022 წელთან შედარებით, 21%-ით გაიზარდა ნარკოდანაშაულის გამოვლენის მაჩვენებელი.

ასევე, შემუშავდა ორგანიზებული დანაშაულის წინააღმდეგ ბრძოლის 2023-2024 წლების სამოქმედო გეგმა.

გეგმის მიზანია:

  • კანონიერი ქურდებისა და ქურდული სამყაროს წევრების წინააღმდეგ ბრძოლის სისტემური გაძლიერება;
  • კიბერდანაშაულის პრევენციული მექანიზმებისა და გამოძიების ეფექტიანობის ამაღლება/გაუმჯობესება;
  • ნარკოტრანზიტის და ნარკოვაჭრობის ბრძოლის მიმართულებით გამოძიების ხარისხის გაუმჯობესება.