ბოლო 7 თვის განმავლობაში პირველად, ალიევი და ფაშინიანი ერთმანეთს შეხვდნენ — რა შედეგებია
სომხეთის პრემიერ-მინისტრი ნიკოლ ფაშინიანი და აზერბაიჯანის პრეზიდენტი ილჰამ ალიევი მიუნხენის უსაფრთხოების კონფერენციის ფარგლებში შეხვდნენ, ეს არის მათი პირველი პირდაპირ მოლაპარაკებები, შვიდ თვეზე მეტი ხნის განმავლობაში.
შაბათის შეხვედრას შუამავლობდა გერმანიის კანცლერი ოლაფ შოლცი, რომელიც მანამდე ინდივიდუალურად შეხვდა როგორც ფაშინიანს, ასევე — ალიევს. სამივე შეხვედრა ეხებოდა სომხეთსა და აზერბაიჯანს შორის სამშვიდობო მოლაპარაკებებს.
X-ზე გამოქვეყნებულ პოსტში შოლცმა თქვა, რომ გერმანია და ევროპა მზად არიან, მხარი დაუჭირონ სამშვიდობო მოლაპარაკებებს, "მათი შესაძლებლობის ფარგლებში".
"კარგია, რომ ორივე მხარე შეთანხმდა ღია საკითხების გადაჭრაზე, ხელახალი დაპირისპირების გარეშე", — აღნიშნა მან.
გერმანიის კანცლერმა ასევე შეაქო სომხეთი იმისთვის, რომ მომავალ წელს COP29 კლიმატის სამიტის მასპინძლობა აზერბაიჯანს დაუთმო, რაც, მისი თქმით, ქმნის "ხელსაყრელ შესაძლებლობებსა და პირობებს, სამშვიდობო დღის წესრიგის პროგრესისთვის".
აზერბაიჯანის პრეზიდენტის ადმინისტრაციამ განაცხადა, რომ ალიევი და ფაშინიანი პირისპირაც შეხვდნენ. მიუხედავად იმისა, რომ ერევანს ეს ინფორმაცია ჯერ არ დაუდასტურებია, APA იტყობინება, რომ შეხვედრა შედგა შოლცთან სამმხრივი მოლაპარაკებების დასრულებისთანავე და მხოლოდ 10 წუთს გაგრძელდა.
შეხვედრა შედგა სომხეთსა და აზერბაიჯანს შორის დაძაბულობის ესკალაციის ფონზე, რის შედეგადაც, ოთხი სომეხი ჯარისკაცი დაიღუპა საზღვარზე აზერბაიჯანელების "შურისძიების“ დროს.
ასევე, გასულ კვირას, ფაშინიანმა გააფრთხილა, რომ აზერბაიჯანმა შესაძლოა შეაჩეროს სამშვიდობო მოლაპარაკებები "სრულმასშტაბიანი ომის“ დასაწყებად, რასაც აზერბაიჯანმა "უსაფუძვლო" უწოდა.
თუმცა, ფაშინიანისა და ალიევის მიერ გაკეთებულმა განცხადებებმა ცხადყო, რომ შოლცის შუამავლობით, სამმხრივი შეხვედრა კონსტრუქციული იყო.
მეორე დღეს, ფაშინიანი შეხვდა სომხური დიასპორის წევრებს მიუნხენში, სადაც მან თქვა, რომ სამმხრივი შეხვედრის მიზანი იყო იმისი უზრუნველყოფა, რომ სომხეთი და აზერბაიჯანი მიღწეული შეთანხმების ერთგულები დარჩნენ.
პრემიერ-მინისტრმა თქვა, რომ სომხეთისა და აზერბაიჯანის საგარეო საქმეთა მინისტრები "უახლოეს მომავალში" უნდა შეხვდნენ, სამშვიდობო ხელშეკრულების ტექსტზე შესათანხმებლად. მან აღნიშნა, რომ ორი ქვეყანა, საგარეო საქმეთა მინისტრების შეხვედრების შემდეგ, საზღვრის დემარკაციის მოლაპარაკებების ახალ რაუნდს გამართავს.
ნატოს სპეციალურმა წარმომადგენელმა კავკასიასა და ცენტრალურ აზიაში, ხავიერ კოლომინამ დადებითად შეაფასა შეხვედრა და თქვა, რომ ბლოკი "მტკიცედ უჭერს მხარს“ სომხეთსა და აზერბაიჯანს შორის ურთიერთობების ნორმალიზებას.
ფაშინიანი და ალიევი ბოლოს პირისპირ შეხვდნენ ბრიუსელში, 2023 წლის ივლისში, ევროკავშირის საბჭოს პრეზიდენტის ჩარლზ მიშელის შუამავლობით.
ორი ლიდერის შეხვედრა 2023 წლის ოქტომბერში გრანადაში იყო დაგეგმილი, მაგრამ ალიევმა შეხვედრა გააუქმა. აზერბაიჯანული მედიის ინფორმაციით, მიზეზი საფრანგეთის მიერ სომხეთის სამხედრო დახმარების გადაწყვეტილება იყო.
სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.
-
-
გადახედვაძაღლები ჩვენს სტრესს სუნით ცნობენ და ეს მათ განწყობაზეც აისახება — კვლევა ძაღლები ჩვენს სტრესს სუნით ცნობენ და ეს მათ განწყობაზეც აისახება — კვლევა
-
-
გადახედვაკიმ კარდაშიანის თქმით, The Crown-ს უყურა და ქვეყნის სამართავად მზადაა კიმ კარდაშიანის თქმით, The Crown-ს უყურა და ქვეყნის სამართავად მზადაა
-
-
გადახედვა20 წლის ბიჭი, რომელიც რუსული კანონის საწინააღმდეგო აქციაზე დააკავეს, მოსამართლემ პატიმრობაში დატოვა 20 წლის ბიჭი, რომელიც რუსული კანონის საწინააღმდეგო აქციაზე დააკავეს, მოსამართლემ პატიმრობაში დატოვა
-
გადახედვაახალი სეზონიდან "აკუსტიკას" ახალი წამყვანები ეყოლება — მებო ნუცუბიძე ახალი სეზონიდან "აკუსტიკას" ახალი წამყვანები ეყოლება — მებო ნუცუბიძე
-
გადახედვაბიონსემ კამალა ჰარისს საკუთარი მუსიკის საარჩევნო კამპანიაში გამოყენების უფლება მისცა ბიონსემ კამალა ჰარისს საკუთარი მუსიკის საარჩევნო კამპანიაში გამოყენების უფლება მისცა
-
-
გადახედვაკახა კალაძემ "ტვ პირველის" წინააღმდეგ აღსრულება დაიწყო — ტელევიზიის ანგარიშები, შესაძლოა, დაყადაღდეს კახა კალაძემ "ტვ პირველის" წინააღმდეგ აღსრულება დაიწყო — ტელევიზიის ანგარიშები, შესაძლოა, დაყადაღდეს
-
გადახედვადაორსულების 4 ყველაზე უჩვეულო და იშვიათი გზა დაორსულების 4 ყველაზე უჩვეულო და იშვიათი გზა
-
გადახედვაშესაძლოა, მზის სისტემაში კიდევ ერთი ფარული ოკეანე იყოს შესაძლოა, მზის სისტემაში კიდევ ერთი ფარული ოკეანე იყოს
-
-
გადახედვაკაცს, რომელმაც თელავში 2 ადამიანი მოკლა, ბრალი წარუდგინეს, თუმცა ის ამ დრომდე იძებნება კაცს, რომელმაც თელავში 2 ადამიანი მოკლა, ბრალი წარუდგინეს, თუმცა ის ამ დრომდე იძებნება
-
-
გადახედვააზერბაიჯანელ ჟურნალისტს, სავარაუდოდ, საქართველოდან გასვლას უკრძალავენ აზერბაიჯანელ ჟურნალისტს, სავარაუდოდ, საქართველოდან გასვლას უკრძალავენ
-
გადახედვაNASA-ს მავალმა მარსზე სიცოცხლის შესაძლო კვალს მიაგნო NASA-ს მავალმა მარსზე სიცოცხლის შესაძლო კვალს მიაგნო
-
-
-
-
კომენტარები