მოკლედ: ახალ აღმასრულებელ დირექტორად ლია ჩახუნაშვილის არჩევას ჟურნალისტური ეთიკის ქარტიის საბჭოს 9 წევრმა დაუჭირა მხარი.

  • ლია ჩახუნაშვილმა ამ პოზიციაზე მარიამ გოგოსაშვილი ჩაანაცვლა.
  • მარიამ გოგოსაშვილი ორგანიზაციას 2020 წლის მარტიდან ხელმძღვანელობდა.

დეტალები: ქარტიის მიხედვით, კონკურსში მონაწილეობის სურვილი 7-მა ადამიანმა გამოხატა, თუმცა, საბჭო ორ კანდიდატს გაესაუბრა — ნოდარ სირბილაძეს და ლია ჩახუნაშვილს, რადგან "კანდიდატთა ნაწილის განცხადებები არასრული იყო."

რა ვიცით ლია ჩახუნაშვილის შესახებ:

  • ის 15 წლის განმავლობაში მუშაობდა პროგრამის ხელმძღვანელისა და ხელმძღვანელის მოადგილის პოზიციებზე საქართველოში USAID-ის მიერ მხარდაჭერილ, მედიის განვითარების ხელშემწყობ პროგრამებზე, რომელთაც IREX ახორციელებდა.
  • სხვადასხვა დროს ითანამშრომლა საერთაშორისო ორგანიზაციებთან — BBC World Service Trust, MDLF, IREX Europe, როგორც პროგრამის დირექტორმა, კონსულტანტმა და მრჩეველმა.
  • 2007-2009 წლებში იყო მედია სკოლის დეკანი კავკასიის უნივერსიტეტში,
  • ხოლო 2010-2011 წლებში საზოგადოებრივი მაუწყებლის სამეურვეო საბჭოს წევრი.
  • მას ასევე აქვს მეცნიერებათა მაგისტრის ხარისხი მასობრივ კომუნიკაციებში სან ხოსეს სახელმწიფო უნივერსიტეტიდან (აშშ).