ცოტა ხნის წინ ქართულ სატელეკომუნიკაციო ბრენდებს შორის ახალი მობილური ოპერატორი — Cellfie გამოჩნდა. Cellfie-ის აპლიკაცია MyCellfie კომფორტულ დიზაინსა და მრავალფეროვან ციფრულ პროდუქტებს გვთავაზობს, მისით სარგებლობა კი უკვე ყველას შეუძლია. MyCellfie-ის განახლებული აპლიკაციისთვის ერთი თვალის გადავლებაც საკმარისია იმაში დასარწმუნებლად, რომ ეს ჩვეულებრივი მობილური ოპერატორი არ არის და გაცილებით მეტ შესაძლებლობას გთავაზობს.

გარდა ბალანსის შევსებისა და სასურველი ტარიფების შერჩევისა, MyCellfie-ის აპლიკაცია ისეთ ფუნქციონალებსაც გთავაზობს, რომლებიც ყოველდღიურ რუტინას გაგიმარტივებს და თან შენს გემოვნებაზეც იქნება მორგებული. თუ რა სიახლეებით დაგვიბრუნდა MyCellfie-ის აპლიკაცია, ამის შესახებ Cellfie-ის ციფრული და ინოვაციების დეპარტამენტის ხელმძღვანელს, თამარ ჯიქიას ვესაუბრეთ.

"აპლიკაცია MyCellfie არის სელფის სრული ოფისი მომხმარებლის მობილურში. ბრენდის განახლებასთან ერთად აპლიკაცია კიდევ უფრო დაიხვეწა და ის მთლიანად აეგო სიმარტივესა და მომხმარებლისთვის მაქსიმალური კომფორტის შექმნაზე. სადღეისოდ, აპლიკაცია უამრავ ფუნქციონალს გვთავაზობთ, რომლებიც მოსახერხებელია ყოველდღიური მოხმარებისთვის: თქვენ მარტივად შეგიძლიათ ჩარიცხოთ თანხა, გაიაქტიუროთ ტარიფები/მომსახურებები, აწარმოოთ ხარჯებისა და ბალანსების კონტროლი", — ამბობს თამარ ჯიქია.

MyCellfie-ის მრავალფეროვანი შეთავაზებები

MyCellfie-ის განახლებული აპლიკაცია დღევანდელ ციფრულ რეალობაზე მაქსიმალურადაა მორგებული, რაც მომხმარებლისთვის აპლიკაციით სარგებლობასაც ამარტივებს და მათ მრავალფეროვან არჩევანსაც სთავაზობს. თუ MyCellfie-ის მომხმარებლები ხარ ან აპირებ, რომ მალე გახდე, მაშინ დროის დაზოგვასაც მარტივად შეძლებ, რადგან აპლიკაციის დახმარებით შენ შეძლებ:

• ნებისმიერი მომსახურება ჩართო როგორც საკუთარ, ასევე სხვის ნომერზეც;
• შეავსო ბალანსი, გაააქტიურო პროდუქტები და მომსახურებები;
• ისარგებლო ციფრული პროდუქტების ფართო სპექტრით;
• ისარგებლო ლოიალობის ბარათების საფულით;
• ისარგებლო გადახდის მოქნილი ფუნქციონალით — აპლიკაციაში ინტეგრირებულია Apple Pay და American Express;
• აპლიკაცია სასურველი დიზაინის მიხედვით შეცვალო.

შენს გემოვნებაზე მორგებული ციფრული პროდუქტები

ტრადიციულ ტელეკომ პროდუქტებთან ერთად, MyCellfie-ის აპლიკაცია შენს სურვილებსა და ცხოვრების სტილსაც ერგება. თუ ფიტნესით ხარ დაინტერესებული, ან გსურს, რომ ყველა საყვარელ მუსიკას ერთ კომფორტულ აპლიკაციაში მოუსმინო და სპორტულ შეჯიბრებსაც უყურო, MyCellfie ამის საშუალებას ერთ სივრცეში გაძლევს.

ეს ყველაფერი კი იმას ნიშნავს, რომ MyCellfie-ის აპლიკაციაში შესვლისთანავე რამდენიმე შეთავაზებას დაინახავ და შენზე მორგებულს თავად აირჩევ. შემდეგ კი საყვარელ მუსიკას სტინგრეი მუსიკის მეშვეობით შეგიძლია მოუსმინო, სეტანტა სპორტს თვალი ადევნო, ფიტნესით დაკავდე ან ციფრულ ტელევიზიას უყურო. რაც მთავარია, სხვადასხვა ვებგვერდებსა და აპლიკაციებში გადასვლა არ დაგჭირდება, რადგან ეს ყველაფერი MyCellfie-ის აპლიკაციაშია თავმოყრილი.

მომხმარებლის კომფორტზე ორიენტირებული აპლიკაცია

როგორც ხედავ, MyCellfie-ის აპლიკაცია მაქსიმალურად კომფორტულია, რადგან მისი შექმნის მიზანი მომხმარებლების მოთხოვნილებების მაქსიმალურად გათვალისწინებაა. სწორედ ამიტომ, აპლიკაციაში ისეთი პროდუქტები შეიქმნა, რომლებიც პირადი თუ პროფესიული მისწრაფებების მიღწევაში დაგეხმარება.

"პროდუქტის შექმნისას გადამწყვეტი მნიშვნელობა ენიჭება მომხმარებლისთვის დამატებითი ღირებულებისა და კომფორტის შექმნას. დეტალურად ვსწავლობთ მომხმარებლების ქცევას და ვცდილობთ, მათი სურვილების გათვალისწინებით შევქმნათ ახალი პროდუქტები. გზა, რომელსაც ახალი პროდუქტი იდეიდან აბონენტამდე გადის, მოიცავს შემდეგ ნაბიჯებს: პროდუქტის იდეის და პროტოტიპის დამუშავებას, ტექნიკურ ინტეგრაციას და დეტალურ ტესტირებას. პროდუქტები იტესტება მომხმარებელთა ჯგუფებზე, რათა შესაბამისი ცვლილებები განახორციელოთ", — ამბობს თამარ ჯიქია.

ასე რომ, თუ მაქსიმალურად კომფორტულ მობილურ ოპერატორს ეძებ, ან უკვე სარგებლობ MyCellfie-ის აპლიკაციით, რუტინული ოპერაციების განხორციელებას გართობა და დროის სასიამოვნოდ გატარებაც შეგიძლია შეუთავსო.