ინფორმაციას საქართველოს პროკურატურა ავრცელებს.

რატომ არის მნიშვნელოვანი: უწყების განცხადებით, სოციალური ქსელებისა და კომუნიკაციის სხვადასხვა საშუალებების გამოყენებით თაღლითური სქემა გამოავლინეს და სისხლისსამართლებრივი დევნა დაიწყეს ერთი პირის მიმართ.

  • გამოძიებით დადგინდა, რომ ბრალდებული სოციალური ქსელით საქართველოს მოქალაქეებს დაუკავშირდა და გამოგონილი სახელით გაეცნო.
  • "შევიდა მათთან ნდობაში, თითქოსდა აშშ-ში გამგზავრების, ასევე, ესტონეთისა და ლიეტუვის რესოუბლიკების სამუშაო ვიზების მიღებაში დახმარების სანაცვლოდ, დიდი ოდენობის ფულადი თანხა მოსთხოვა".

დეტალები: უწყების ცნობით, პარალელურად ბრალდებულმა მოიძია საქართველოში კრიპტოვალუტით მოვაჭრე პირები, რომლებსაც ყალბი ფეისბუქ-პროფილებით დაუკავშირდა და კრიპტოვალუტის შეძენაზე შეუთანხმდა.

  • პროკურატურის განმარტებით, ბრალდებულმა ვითომდა მომსახურების სანაცვლოდ, დაზარალებულებს დიდი ოდენობით თანხმები წინასწარ მოძიებული კრიპტოვალუტით მოვაჭრე პირების ანგარიშზე ჩაარიცხინა.
  • სანაცვლოდ კი მათ ჩარიცხული თანხის შესაბამისი კრიპტოვალუტა მოსთხოვა, რომელიც თავისი კონტროლის ქვეშ არსებულ კრიპტო საფულეებზე გადაიტანა და მართლსაწინააღმდეგოდ მიისაკუთრა.
  • უწყება მიუთითებს, რომ ამ გზით ბრალდებული თაღლითურად დაეუფლა სხვის კუთვნილ ათეულობით ათას ლარს.
  • პირს პატიმრობა მისაკუთრების მიზნით, სხვისი დიდი ოდენობის ქონების მოტყუებით დაუფლების ფაქტზე შეეფარდა.