ბრიუსელის ცენტრალური სადგური აფეთქების შემდეგ ევაკუირებულია. ამის შესახებ ინფორმაციას BBC ავრცელებს.

ტელეარხის ცნობით, პოლიციამ მოახერხა პირის განეიტრალება, რომელსაც სავარაუდოდ თვითმკვლელის ქამარი ეკეთა. ბელგიის პოლიცია ამბობს, რომ სიტუაციას აკონტროლებს. ცენტრალური სადგური გარდა, ევაკუირებულია ქალაქის მთავარი სკვერი Grand Place.

პოლიციის ცნობით, მცირე მასშტაბის აფეთქების შედეგად, თავდამსხმელის გარდა არავინ დაშავებულა.