"პროფესიას სქესი არ აქვს — უნდა აკეთო ის, რაც ძალიან გიყვარს" — მოსწავლე მექანიკოსი ქალი თეგეტა მოტორსის სერვისცენტრიდან
შენ გაქვს ძალა, გადადგა ეს ნაბიჯი და აკეთო ის, რაც შენი პიროვნების ნაწილია!" — დიდი დრო დასჭირდა, სანამ დომინიკა ხარხელი ამას საკუთარ თავს ეტყოდა და იმ ინტერესს გაჰყვებოდა, რომელიც სულ იყო მის ცხოვრებაში — მაშინ, როცა თოჯინებით კი არა, მანქანებით თამაშობდა; როცა ავტომობილის შეკეთებისას ავტოფარეხში მამას გვერდით ედგა და მაშინაც, როცა სწავლის დასრულების შემდეგ მცირე ბიზნესი წამოიწყო და ისიც ავტომობილებს დაუკავშირა. ამ ყველაფრის მუდმივად მეორე ადგილზე დაყენებას კი სულ რაღაც აიძულებდა. ეს არც რომელიმე ოჯახის წევრი იყო, არც მეზობელი და არც ვინმე უცნობი. ამის მიზეზი, ალბათ, უფრო ის განწყობა და აზრი იყო, რომელიც თითქოს ჰაერში ტრიალებს — რომ "მანქანა რა ქალის საქმეა" და ამ ქვეყანაში ქალებიც თითქოს თვითცენზურის კოდით იბადებიან.
დომინიკა უკვე სამი თვეა, თეგეტა მოტორსის მოსწავლე მექანიკოსია დიაგნოსტიკა-ელექტრობის მიმართულებით. ცხოვრების მთავარ ინტერესს სულ მალე რეალურ პროფესიად აქცევს და სტერეოტიპებთან ბრძოლის ახალ ეტაპზე გადავა — ცოდნით, გამოცდილებით, თავდაჯერებულობითა და სიმშვიდით შეიარაღებული.
"პროფესიას სქესი არ აქვს. საერთოდ არ ვფიქრობ, რომ არსებობს ქალისა და კაცის პროფესიები. ვინც ამ აზრს არ იზიარებს, მათი დამოკიდებულება ნაკლებად მაინტერესებს. რაკი ეს გადაწყვეტილება მივიღე და ამ მიმართულებით წავედი, ვიცოდი, რომ ასეთ დამოკიდებულებებსაც გადავაწყდებოდი, ამიტომ ეს ჩემზე გავლენას ვეღარ ახდენს. მით უმეტეს, რომ თეგეტაშ ყველაფერი სულ სხვანაირადაა. ყველას განსაკუთრებით უხარია, რომ ამ საქმით ქალებიც ინტერესდებიან, რაც ძალიან კომფორტულად მაგრძნობინებს თავს", — დომინიკა ხარხელი, თეგეტა მოტორსის მოსწავლე მექანიკოსი.
ახლა თეგეტა მოტორსის სერვისის მიმართულებაში, დიაგნოსტიკის განყოფილებაში იღებს ცოდნას. ჰყავს მენტორი, რომლის საქმიანობაშიც და ყოველდღიურ პროცესებშიც უშუალოდაა ჩართული. მუშაობს, როგორც ანაზღაურებადი სტაჟიორი და პროფესიას ეუფლება.
დაგროვილ გამოცდილებას საკუთარ ბიზნესში უკვე იყენებს. აუქციონზე შეძენილ მანქანებს გაყიდვამდე პირველად დიაგნოსტიკას თავად უკეთებს და გარკვეული ტიპის ელექტრული პრობლემების მოგვარებასაც ახერხებს. სამომავლოდ საკუთარი მცირე ბიზნესის განვითარებაზეც ფიქრობს, მაგრამ მისი მთავარი მოტივაცია მაინც ავტოინდუსტრიაში ყველაზე მსხვილ კომპანიაში დასაქმების პერსპექტივაა.
"ძალიან საინტერესო, მომხიბვლელი და ჩამთრევი პროფესიაა. პრობლემის აღმოჩენა, გადაჭრის გზის განსაზღვრა და შემდეგ პრობლემის აღმოფხვრა საოცრად აზარტული პროცესია. როცა ავტომობილი გაიმართება და რწმუნდები, რომ ყველაფერი სწორად გააკეთე, ყველაზე მაგარი მომენტია. ზოგადად დიაგნოსტიკა დიდი და საინტერესო გამოწვევაა. ყოველ ჯერზე ურთულესი სქემებია გასახსნელი და წასაკითხი, რომლებიც ყველა მანქანის შემთხვევაში ინდივიდუალურია.
ამ საქმეში ყველაზე მეტად სწორედ ის მომწონს, რომ მუდმივად განვითარებადია. ყოველთვის ყველაფერი იხვეწება და ყოველდღიურად გიწევს ახალი ნიუანსების შესწავლა. თეგეტა მოტორსის მენტორების დამოკიდებულებაც განსაკუთრებულია. ნებისმიერ დროს მზად არიან, აგიხსნან და გასწავლონ. ეს კურსი თითქმის ერთწლიანია და დიდი იმედით მივისწრაფვი იმისკენ, რომ ელექტრომექანიკოსი გავხდე და თეგეტაში დავსაქმდე. აქ მუდმივი განვითარება და მუდმივად წინსვლის შესაძლებლობაა", — დომინიკა ხარხელი, თეგეტა მოტორსის მოსწავლე მექანიკოსი.
როგორც დომინიკა ამბობს, ამჯერად აზრის შეცვლას არავის და არაფრის გამო აღარ აპირებს. ზუსტად იქაა, სადაც დიდი ხნის წინ უნდა მისულიყო, თუმცა ყველაფერი ჯერ წინაა. ახლა უფრო გაძლიერებული, ჩამოყალიბებული და თავდაჯერებულია. იმისთვისაც მზადაა, რომ შესაძლოა, სტერეოტიპებმა ვინმეს მასთან მანქანის შესაკეთებლად მისვლაზე, სქესის გამო, უარი ათქმევინოს. თუმცა იცის, რომ ეს განწყობას ვეღარ გაუფუჭებს და იმაზეც ხუმრობს, რომ ზოგჯერ შეიძლება პირიქითაც მოხდეს.
"იმ ადამიანებს, რომლებმაც ოდესღაც რაღაც პროფესია აირჩიეს და ვერ ბედავენ, რეალურ ინტერესს მიჰყვნენ; რომლებსაც სტერეოტიპებით სავსე გარემო ხელს უშლის, ოცნება აიხდინონ, ვურჩევდი, გაითავისონ, რომ პროფესიას სქესი არ აქვს. ნებისმიერ ასაკში შესაძლებელია გადაწყვეტილების შეცვლა და ახალი პროფესიის ათვისება. ნუ მოუსმენენ სხვის აზრს. აკეთონ მხოლოდ ის, რაც მათ გულს უნდა და რაც ყველაზე მეტად სიამოვნებთ", — დომინიკა ხარხელი, თეგეტა მოტორსის მოსწავლე მექანიკოსი.
თეგეტა მოტორსის შესახებ: თეგეტა ჰოლდინგში შემავალი კომპანია თეგეტა მოტორსი 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. თეგეტა მოტორსი 300-მდე მსოფლიო ბრენდის წარმომადგენელია საქართველოში, მათ შორის არის Bridgestone, Michelin, Varta, Shell, Motul, Hengst და სხვა.
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
-
გადახედვაემინემის ახალი ალბომი The Death of Slim Shady ზაფხულში გამოვა — ნახეთ ტრეილერი ემინემის ახალი ალბომი The Death of Slim Shady ზაფხულში გამოვა — ნახეთ ტრეილერი
-
გადახედვაოპოზიციური პარტიები 28 აპრილს, არასამთავრობო ორგანიზაციების მიერ დაანონსებულ ევროპულ მარშს უერთდებიან ოპოზიციური პარტიები 28 აპრილს, არასამთავრობო ორგანიზაციების მიერ დაანონსებულ ევროპულ მარშს უერთდებიან
-
გადახედვაქალს გულის მექანიკური ტუმბო და ღორის თირკმელი გადაუნერგეს — ისტორიაში პირველად ქალს გულის მექანიკური ტუმბო და ღორის თირკმელი გადაუნერგეს — ისტორიაში პირველად
კომენტარები