საქართველოს პარლამენტის თავმჯდომარის, ირაკლი კობახიძის განცხადებით, საქართველო სრულად ითვალისწინებს ვენეციის კომისიის რეკომენდაციას საარჩევნო სისტემასთან დაკავშირებით და კონსტიტუციის პროექტში 37-ე მხულის ფორმულირებას ცვლის. კობახიძის განცხადებით, განისაზღვრა სამდონიანი ზღვარი:

  1. ზედა, რომლის დროსაც, პარტია გადაუნაწილებელი მანდატების ხარჯზე 89 მანდატზე მეტს ვეღარ მიიღებს;
  2. ქვედა - როდესაც ბონუსის გათვალსწინებით პირველ ადგილზე გასული პარტია 75 ან ნაკლებ მანდატს მიიღებს, გადაუნაწილებელი მანდატები პროპორციულად ბარიერგადალახულ ყველა პარტიაზე გადანაწილდება.
  3. ფარდობითი, რომლის მიხედვით, გამარჯვებული პარტია ვერ მიიღებს ხმებით მიღებული მანდატების 35 პროცენტზე მეტს (მაგალითად, თუ პარტია მიიღებს ხმების 40%-ს, ის ბონუსის ხარჯზე ვერ მიიღებს მანდატების 54%-ზე მეტს). ამ მოდელის მიხედვით, პირველ ადგილზე გასული პარტია, ბონუსით, როგორც წესი, მხოლოდ იმ შემთხვევაში ისარგებლებს, თუ ის არჩევნებში ხმების 38-დან 44%-მდე მიიღებს.

ვენეციის კომისიამ, კონსტიტუციის ახალ პროექტში, ამჟამინდელი პროპორციულ/მაჟორიტარულის ჩანაცვლება პროპორციული საარჩევნო სისტემით დადებითად შეაფასა, თუმცა კომისიის რეკომენდაციით, გადაუნაწილებელი მანდატები პროპორციულად უნდა გადანაწილდეს ყველა იმ პარტიაზე, რომელიც 5 პროცენტიან ბარიერს გადალახავს ან; გამარჯვებული პარტიისთვის უნდა დაწესდეს ზედა ზღვარი და/ან საარჩევნო ბარიერი უნდა დაიწიოს 2-3 პროცენტამდე.