ზურაბიშვილი: არ შეიძლება, არ გამოვხატო მწუხარება, რომ მთავრობამ იზოლაციაში მოაქცია თავი

24 Feb. 2023, 12:34

ამ მოცემულობაში არ შეიძლება, არ გამოვხატო მწუხარება იმის გამო, რომ საქართველოს მთავრობამ იზოლაციაში მოაქცია თავის თავი, გამოეყო დემოკრატიულ თანამეგობრობას და რაღაც მიზეზებით ცდილობს, გაამართლოს ყველასთვის გაუგებარი, ვითომც ნეიტრალური თუ დაბალანსებული პოზიცია.

გაუგებარი იმ ქვეყნისგან, რომელმაც გაიარა იგივე განსაცდელი არაერთხელ, რომელმაც კარგად იცის, თუ რას ნიშნავს მტრის მიერ სუვერენობის შელახვა და დამოუკიდებლობის წინააღმდეგ აღმართული მახვილი, რომელსაც კარგად ესმის ოკუპაციის სიმწარე. [...]

თბილისი მსოფლიოს გაახსენებს, რომ საქართველო დგას, სადაც საუკუნეების მანძილზე იდგა და რაღაც საკუთარი ინტერესების ძახილმა არ დაგვავიწყებინა მთავარი, საკუთარი იდენტობა და საკუთარი ღირსება.

ამ საზოგადოების სახელით პირადად მე, როგორც ამ ქვეყნის პრეზიდენტი, ყველა შესაძლო ადგილას და ფორმატში გამოვხატე უკრაინის მიმართ საქართველოს უდრეკი მხარდაჭერა და ასეც გავაგრძელებ. მიმაჩნია, რომ საქართველოს მთავრობა თუ არა, საქართველოს პრეზიდენტი უთუოდ უნდა ყოფილიყო დღეს კიევში და ამისთვის ჩემი მზადყოფნა დროულად გამოვხატე. სამწუხაროდ, მოწვევა ვერ მივიღე.სამაგიეროდ, პარლამენტმა, მოწვევის მიუხედავად, არ მიიჩნია საჭიროდ, ოფიციალური დელეგაციის გაგზავნა.

ვწუხვარ, რომ ამის შედეგად მხოლოდ ოპოზიციის სახით ვართ დღეს კიევში წარმოდგენილნი, მაგრამ მაინც მიხარია, რომ ისინი დღეს იქ იმყოფებიან.

ბოლო ამბები:

სალომე ზურაბიშვილი ზურაბიშვილი: არ შეიძლება, არ გამოვხატო მწუხარება, რომ მთავრობამ იზოლაციაში მოაქცია თავი

კომენტარები

კვირის ტოპ-5

გირჩევთ

ახლა კითხულობენ

ირაკლი კობახიძე: ალტერნატიული კორიდორი არ ქმნის საფრთხეს საქართველოსთვის