ამის შესახებ აშშ-ს ეროვნული უშიშროების საბჭოს სტრატეგიული კომუნიკაციების კოორდინარტორმა, ჯონ კირბიმ ისაუბრა.

რატომ არის მნიშვნელოვანი: ვაგნერის ჯგუფი რუსეთის არმიის არაოფიციალური სამხედრო დანაყოფია, რომელსაც მჭიდრო კავშირები აქვს პრეზიდენტ ვლადიმერ პუტინთან.

  • უკრაინის ომის დაწყების შემდეგ მათი საქმიანობა ბევრად უფრო საჯარო გახდა.
  • გარდა უკრაინისა, დაჯგუფება ბოლო დროს აქტიურობდა სირიასა და აფრიკის ქვეყნებში და არაერთხელ იყო ბრალდებული ომის დანაშაულებსა და ადამიანის უფლებების დარღვევაში.
  • ეს სამხედრო დანაშაულები მოიცავს ადამიანების მასობრივ მკვლელობასა და წამებას.
  • გერმანული დაზვერვა ეჭვობს, რომ ვაგნერის დაქირავებულები, ასევე, მონაწილეობდნენ ბუჩაში მშვიდობიანი მოსახლეობის მკვლელობაში.
  • ჯგუფი არსად არ არის რეგისტრირებული, როგორც იურიდიული პირი, რაც რუსეთს საშუალებას აძლევს ჯგუფიდან დისტანცირდეს და მათ ჩრდილქვეშ იმოქმედოს.
  • აშშ-მ გასულ თვეს ვაგნერის დაჯგუფება ტრანსნაციონალურ კრიმინალურ ორგანიზაციად გამოაცხადა.

დეტალები: თეთრი სახლის ვარაუდობს, რომ მხოლოდ ბოლო ორ თვეში დაჯგუფების დაახლოებით 9 000 წევრი მოკვდა.

  • აშშ-ის დეკემბრისდროინდელი შეფასებით, ვაგნერის ჯგუფმა საკუთარ რიგებში 40 000 პატიმარი აიყვანა.
  • "რუსეთი თავის ახალწვეულებს საზარბაზნე ხორცივით ექცევა, მათ, დაფიქრების გარეშე, ხორცსაკეპ მანქანაში აგდებს", — თქვა კირბმა.