ტესტი: რომელი ქართული ფილმია შენი ცხოვრება?

ქართული კინემატოგრაფია უამრავ გამორჩეულ ფილმს აერთიანებს, რომლებიც არა მხოლოდ შთამბეჭდავ და სამახსოვრო პერსონაჟებს გვაცნობს, არამედ სარკესავით ირეკლავს საქართველოსა და მასში მცხოვრები ადამიანების ყოფას, ყოველდღიურ პრობლემებსა და გამოწვევებს. თუკი ქართულ ფილმებს შენც იცნობ და გიყვარს, აუცილებლად აღმოაჩენ რამე მსგავსებას შენს ცხოვრებასა და რომელიმე მათგანს შორის. მაშ, ნუღარ დაკარგავ დროს და საქმეს შეუდექი!

როგორ ფიქრობ, ამ ეტაპზე შენი ცხოვრება კომედიაა, დრამა თუ მელოდრამა?

ამჟამად ქალაქში ცხოვრობ თუ რომელიმე რეგიონში?

ბარემ ისიც გვითხარი, წარმოშობით რომელი კუთხიდან ხარ?

ბებია-ბაბუასთან როგორი ურთიერთობა გაქვს?

რა ადგილი უკავია შენს ცხოვრებაში სიყვარულს?

როგორი ხარ შეყვარებული?

როგორ ფიქრობ, რისი ნიჭი გაქვს?

შენს ცხოვრებაში ჩარევას ადამიანები ხშირად ცდილობენ?

როდისმე ისეთი რამის გამო თუ დასჯილხარ, რაც არ ჩაგიდენია?

აბა, გამოტყდი, სამსახურში როგორი ხარ — გულმოდგინე და მოწესრიგებული თუ არხეინი და ზარმაცი?

წესების მიმდევარი ხარ თუ მეამბოხე?

და ბოლოს, როგორ ცხოვრებას ისურვებდი?

ტესტი: რომელი ქართული ფილმია შენი ცხოვრება?

შენი შედეგია: სიყვარული ყველას უნდა

ქართული ფილმი

როგორც ჩანს, შენი ცხოვრება ხალისითა და სიყვარულითაა სავსე. პრობლემებთან შეჯახება ყველას უწევს, თუმცა საბოლოო ჯამში ცხოვრებით კმაყოფილი და ბედნიერი ადამიანის შთაბეჭდილებას გვიტოვებ.

შენი შედეგია: იმერული ესკიზები

ქართული ფილმი

როგორც ჩანს, შენი ცხოვრება სიყვარულით და მზრუნველი ადამიანებითაა სავსე. შესაძლოა, ცოტა მკაცრად გზრდიდნენ, თუმცა გვგონია, რომ სითბო და ყურადღება ნამდვილად არ გაკლდა.

შენი შედეგია: მე, ბებია, ილიკო და ილარიონი

ქართული ფილმი

როგორც ჩანს, შენი ცხოვრება ხალისითა და მოსიყვარულე ადამიანებითაა სავსე, რომლებიც შენზე ზრუნავენ. უპრობლემო ცხოვრება არავის აქვს, თუმცა შენ ლაღი და ბედნიერი ადამიანის შთაბეჭდილებას გვიტოვებ.

შენი შედეგია: ცისფერი მთები

ქართული ფილმი

როგორც ჩანს, შენი ცხოვრება ამ ეტაპზე სატირით სავსე დაუჯერებელი ამბავია. შეიძლება, ამჟამად შენ ირგვლივ მყოფ ადამიანებს ჭკუიდან გადაჰყავხარ და სიცარიელეშიც ცხოვრობ, მაგრამ დარწმუნებული ვართ, მალე დასახულ მიზნებს მიაღწევ და ყველაფერი დალაგდება.

შენი შედეგია: დათა თუთაშხია

ქართული ფილმი

საკუთარი თავის ბატონ-პატრონი მხოლოდ შენ ხარ და წესებსაც მხოლოდ შენ უდგენ საკუთარ თავს. სხვების კანონებსა და ავტორიტეტს არ ცნობ. დამოუკიდებლობა და მეამბოხეობა შესაძლოა, შენს წარმატებას განაპირობებდეს კიდეც, თუმცა გახსოვდეს, რომ ყველაფერში ზომიერების დაცვაა საჭირო.

შენი შედეგია: ნატვრის ხე

ქართული ფილმი

როგორც ჩანს, შენს ცხოვრებაში ხშირად ცდილობენ გარშემომყოფები ჩარევას და შესაძლოა, სრულიად უსაფუძვლოდ მათი ჭორაობის ხშირი ობიექტიც ხარ. ისეთი რამისთვისაც კი შეიძლება დაუსჯიხარ ადამიანებს, რაშიც არავითარი ბრალი არ მიგიძღოდა. გამაგრდი და საკუთარი თავისთვის ბოლომდე იბრძოლე!

შენი შედეგია: შერეკილები

ქართული ფილმი

როგორც ჩანს, ან თავად ხარ ექსცენტრიკული, ნიჭიერი და მდიდარი წარმოსახვის მქონე ადამიანი ან ასეთი ხალხის ირგვლივ ხარ. ბევრი საინტერესო, კრეატიული პროექტის განხორციელება შეგიძლია და, თუკი არ დანებდები და მიზნისთვის იშრომებ, ყველაფერი გამოგივა.

ბოლო ამბები:

გირჩევთ