განკარგულება, რომელიც 27 დეკემბრით თარიღდება, კრემლის ვებგვერდზეა გამოქვეყნებული.

რატომ არის მნიშვნელოვანი: პუტინის ეს გადაწყვეტილება ევროკავშირის ქვეყნების შეთანხმებას მოჰყვა, რომლის მიხედვითაც ერთ ბარელზე 60 დოლარი დაწესდა.

  • ფასის ლიმიტი, რომელიც G7-ს ქვეყნების იდეაა, ნავთობის გაყიდვიდან რუსეთის შემოსავლის შემცირებას ისახავს მიზნად.
  • რუსეთი აქამდე არაერთხელ დაიმუქრა, რომ ქვეყნებს, რომლებიც ფასის ზედა ზღვარს დააწესებენ, ნავთობს აღარ მიაწვდის.

დეტალები: განკარგულების მიხედვით, ეს პასუხია აშშ-სა და სხვა ქვეყნების "არამეგობრულ და საერთაშორისო სამართლის საწინააღმდეგო ქმედებებზე".

  • დოკუმენტის მიხედვით, რუსული ნავთობისა და ნავთობპროდუქტის მიწოდება, რომელიც ბრძანების შესაბამისად იკრძალება, შეიძლება მხოლოდ პუტინის გადაწყვეტილების საფუძველზე მოხდეს.
  • დადგენილება 2023 წლის პირველი თებერვლიდან შევა ძალაში და 2023 წლის პირველ ივლისამდე იმოქმედებს.

პუტინის ბრძანებით, რუსული ნავთობისა და ნავთობპროდუქტების მიწოდება უცხოური კომპანიებისა და ინდივიდებისთვის აიკრძალება იმ შემთხვევაში, თუ კონტრაქტებში ფასის შეზღუდვის მექანიზმი პირდაპირ ან ირიბადა იქნება წარმოდგენილი.

  • "დადგენილ აკრძალვა ვრცელდება საბოლოო მყიდველისთვის მიწოდების ყველა ეტაპზე", — ნათქვამია განკარგულებაში.