სიდნი სვინის ზოგიერთი სცენა Euphoria-ის ფინალური სეზონიდან ამოჭრეს.

"როდესაც ქესი და მედი სტრიპტიზ კლუბში მიდიან და ფოტოებს იღებენ, ქესი სცენაზე მოცეკვავე გოგოებს აკვირდება და ფიქრობს, რომ ამის გაკეთება მასაც შეუძლია. ქესი თვრება, სცენაზე ადის და ბოძზე ცეკვას იწყებს", — ამბობს სიდნი სვინი ერთ-ერთ ინტერვიუში.

28 წლის სიდნი სვინი ამ სცენას მთელი სერიოზულობით მიუდგა.

"ბოძზე ცეკვის გაკვეთილებზეც კი დავდიოდი და საოცრად გავერთე", — ამბობს ის.

ფოტო: HBO

სიდნი სვინის თქმით, სემ ლევისონმა მას იმ ეპიზოდის გამოსვლამდე რამდენიმე დღით ადრე დაურეკა, რომელშიც ეს კადრები უნდა ყოფილიყო და აუხსნა, რომ სცენები სერიის კონტექსტს არ მოუხდა. სიდნი სვინიმ რეჟისორს სთხოვა, რომ ეს მასალა კულისებს მიღმა გადაღებულ კადრებად ან წაშლილ სცენებად გამოეშვათ, რადგან ამ სცენისთვის მართლაც ბევრი იშრომა.

სიდნი სვინი მედიის ყურადღების ცენტრში კიდევ ერთი მიზეზით მოექცა — გაირკვა, რომ ის The Devil Wears Prada 2-ში საკუთარ თავს ასახიერებდა, თუმცა რეჟისორებმა ეს სცენაც ამოჭრეს.

ფილმში მას სამწუთიანი ეპიზოდური როლი ჰქონდა. თავდაპირველი ჩანაფიქრით, მაყურებელს უნდა ეხილა, როგორ მუშაობდა ემილი სიდნისთან ერთად. აპრილში გავრცელებული ინფორმაციით, ეს სცენა ფილმის საერთო სცენარში ვერ ჩაჯდა და ამოიჭრა.