თეატრ სახელოსნო 42-ის სცენაზე ბრენდ DZHABA-ს ახალი კოლექციის ჩვენება, სახელწოდებით კონკიას სიკვდილი გაიმართება. 6 და 8 ივლისს ღონისძიება გააერთიანებს მოდის ჩვენებასა და თეატრალურ წარმოდგენას.

წარმოდგენის განმავლობაში მაყურებელი მოისმენს ხუთი ქალის პირად ისტორიას, მათ განსხვავებულ გამოცდილებებს გადარჩენის, სილამაზის, ძალაუფლების, მეხსიერებისა და ბრძოლის შესახებ. "ეს არის ისტორია იმაზე, თუ რას ვკარგავთ და რას ვინახავთ, რა რჩება მაშინ, როდესაც ზღაპარი მთავრდება და ვინ მოგვითხრობს სიმართლეს კონკიას სიკვდილის შესახებ", — ვკითხულობთ აღწერაში.

ღონისძიების შემოქმედებითი ჯგუფი და მონაწილეები:

  • მსახიობები: ნინო ბურდული, ბაია დვალიშვილი, ნინო კასრაძე, მანანა კოზაკოვა, ნატა მურვანიძე, ნატო გაგნიძე, ნათია ბუნტური;

  • იდეის ავტორი და დიზაინერი: ჯაბა ქურთიშვილი;

  • დრამატურგი და რეჟისორი: ქეთევან სამხარაძე;

  • პროდიუსერი: ბექა მაისურაძე;

  • ფოტოგრაფი: თორნიკე აივაზიშვილი;

  • ქორეოგრაფი: გიორგი ტიელიძე;

  • მეიქაფი: ქეთი ანდღულაძე;

  • მონტაჟი: ანუტა მესხიშვილი;

  • გრაფიკა: ნინა სუმბაძე.

ბილეთების შეძენას ამ ბმულზე შეძლებთ.