UFC-ის პრეზიდენტის, დანა უაითის თქმით, ქართველი მებრძოლი ილია თოფურია ამჟამად საავადმყოფოში იმყოფება და, სავარაუდოდ, თვალბუდის (ორბიტალური) ძვალი აქვს მოტეხილი. ამის შესახებ Championship Rounds პლატფორმა X-ზე წერს.

უაითის განცხადებით, თოფურიამ მძიმე დაზიანებები მიიღო და ახლა მისთვის მთავარი გამოჯანმრთელებაა.

"ის სერიოზულადაა დაზიანებული. ჩემი გეგმა მისთვის არის, რომ სახლში დაბრუნდეს, დაისვენოს და საჭირო დრო დაუთმოს აღდგენას. ეს მისთვის ძალიან მძიმე ღამე იყო", — განაცხადა დანა უაითმა.

ცნობისთვის, ამერიკის 250-ე დაბადების დღესთან დაკავშირებით, თეთრმა სახლმა UFC-ს ისტორიული Freedom 250 საბრძოლო სერიას უმასპინძლა. ოქტაგონზე, მსუბუქი დივიზიონის (70კგ) საჩემპიონო ბრძოლაში, ამერიკელმა ჯასტინ გეიჯმა ქართველი ილია თოფურია დაამარცხა.